Günəş çıxar, batar illər uzunu.
İsidər, nurladar düzü-dünyanı.
Gəcə yerin tutar illər uzunu.
Yandırar zülmətdə ay-ulduzunu.
Şəhərlər, körpülər, evlər, saraylar.
Sökülər, qurular illər uzunu.
Məcrasından çıxar köpüklü çaylar.
Bulanar, durular illər uzunu.
Adəm oğlu nələr icad etmədi.
Çalışdı, vuruşdu illər uzunu.
Təəccübdən dünyanın gözü böyüdü.
Gözünə çöp düşdü illər uzunu.
Pozuldu dəngəsi Yer anamızın.
Fəlakətlər gəldi illər uzunu.
Aciz qaldı insan, söydü Tanrısın.
Tanrı qəzəb etdi illər uzunu.
Dostlar, ünsiyyətlər, yollar, talelər.
Birləşdi, ayrıldı illər uzunu.
Başa gəlinəsi eh, daha nələr.
Ürək çəkdi, durdu illər uzunu.
Ömür bağçamızın payızı çatdı.
Döz ! Yenə döz-dedin- illər uzunu.
Dözmək taleyimə sanki yazıldı.
Mən səni gözlədim illər uzunu...
Tifil dünya
Necə vəhşi bir zamanda rastlaşdırdı
Tanrı bizi.
Kimsəyə məhəl qoymayan
Bu qlobal, mobil dünya.
Hər şeyi inkşaf etdikcə insanları da dəyişdi.
Mənəviyyatı korlanmış-
zəngin dünya, səfil dünya.
Səni biz bu günə qoyduq,
Dəyişdi iqlimin, havan.
Biz zamana qarşı gəldik,
qalib gəldi bizə zaman.
Yeddi milyardın əlində təklənmisən indi yaman.
Tanrının yetim balası –
tifil dünya, tifil dünya.
Qışı qar, sellər, daşqınlar,
Yayı, cəhənnəm yanğınlar.
Fərmanına qol çəkənlər,
taxt üstdə yolu azğınlr.
Kimə lazım yıxıb sökmək, kimə lazım bu qırğınlar.
Göydən kiçik, yerdən böyük,
qarışqa dünya , fil dünya.
Allah yaradıb yox yerdən,
İndi durub tamaşana.
Dağılırsan, tökülürsən,
əl bulaşdırmır işinə.
Qoyub adəm ümidinə, buraxıb başdı başına.
Sərvətləri, nemətləri –
var içində zibil dünya.
Sən güclüsən,
qoca dünya, biz güclüyük?!
Biz günahda -
göydə uca Rəbbim böyük.
Zəlzələdən, sunamidən hər tərəfi uçuq, sökük.
Qururuq, yenə sökülür,
əsir əfil-əfil dünya.
İnsanlar, bir rəhmə gəlin,
Qoruyuaq ana bəşəri.
Bizimlə birgə fırlanır
tarixin qoca təkəri.
Biz də gəldi gedəsiyik, ondan başqa hər şey fani.
Qorxmuruqmu göy üzündən-
yoxa çıxa qəfil dünya?!
Əgər sabah açılsa
Əgər sabah açılsa - yenə günəş görünsə.
Bu aləm, bu göy üzü yenə nura bürünsə.
Düzəlsə dünyamızın bu xaotik dəngəsi.
Gah dağılan, donduran, körüklənən nəfəsi...
Əgər sabah açılsa - çıxa bilsəm səhərə.
Əlvida deyə bilsəm, içimdəki kədərə.
Kədər qəzəbə dönüb dağıdarkən içimi.
Partlamağa müntəzir-atam bombası kimi.
Əgər sabah açılsa - vurmaz başıma vurmaz.
Zindana çəkic kimi, taqqıltısı saatın.
Saat zaman elçisi, o da qəsdimə durmaz
İtər, batar içində, səslərində dünyanın.
Əgər sabah açılsa - dərdimi ata bilsəm.
Acı bir dərman kimi dərdimi uda bilsəm.
Hər şeyə adi baxıb, hər şeyi fani sanıb,
Qəmlə dolu dünyaya gülər üzlə görünsəm.
Əgər sabah açılsa - öldürməsə səbrimi.
Yerin deyərəm yara qazılacaq qəbrimin.
Onsuz da tabut kimi, qəbir kimi bu gecə.
Bu dünyada yerim yox, o dünyada- bəs necə?!
Əgər sabah açılsa -qurtusam xəyallardan,
İçimi yeyib-tökən cavabsız suallardan.
Taqətim heç qalmayıb, yuxu da qaçaq yenə,
Yoruldum, ah, yoruldum -yorulmağı danmaqdan.
Əgər sabah açılsa -şübhələrim dağılar.
Həyat gündüz bənzəməzn divli, qorxunc nağıla.
Gündüzün dəhşəti də gecə çökər üstümə.
Gündüz gecəylə əlbir sanki durub qəsdimə.
Əgər sabah açılsa – unudaram keçmişi.
Gələcək gələcəkdi, lənət olub bitmişə.
Mən mənəmsə taparam - gələcəyin açarın.
Dünən ölüb gələcək bu günümdən başlasın.
Əgər sabah açılsa - gecə səhəri doğsa.
Təslim olub günəşə zülmətləri uçursa.
Doğar həyat işığım, yaşam ümidim artar.
Ölmərəm, yox ölmərəm -əgər sabah açılsa!!!
Narkoz altında
Uçurmusan səadəti.
Göyün yeddi qatındadı.
İtirmisən məhəbəti.
Səadətin yanındadı.
Nə gələrsə, içdən gələr.
Qadın ağlar, kişi gülər.
“Dözüb durmaq qadındadı!”
Bəs etmədi nəvazişim.
Bu qədərmiş dirənişim.
Səninlə heç yoxdu işim.
Günah sənin zatındadı.
Bir həyatı yaşamısan.
Nə yapmısan, nə qurmusan?
Sən bəndəsən unudarsan.
Tanrımızın yadındadı.
Sevgisiz bir ömür- yarı.
Üsyan etdi duyğularım.
Tükəndi səbri-qərarım.
Səbir dözüm həddindədi.
Dostlarım darıxma deyir.
Hər ziyanda var bir xeyir.
Sanki ürəyim işləyir.
Ruhum narkoz altlndadı.
Dərdlərin rəngi
Hər gün bir başqa cür görünür dünya.
Dərdlər də rəngini dəyişir gündə.
Dünən ağır gələn, bu gün asandı.
Gah tündləşib vurur, yıxır adamı.
Gah durulub su tək yerə yastlandı.
Həllini tapmayan problemləri.
Yüklərsən yaddaşın gizli yerinə.
Unutmaq istərsən, çıxmasın üzə.
Kimsə toxunmasın bu arxivinə.
Zamana buraxıb qalmaq da olmur.
Çözmək istəyini soyutmaq çətin.
Yayınmaq, unutmaq, aldanmaq olmur.
Başa gəlməyincə hər bir niyyətin.
Bəzən asılı olmur özü-özündən.
Bir şeyi dəyişmək səndən kənarda.
Özünü dəyişə bilmirsənsə sən.
Özgəni dəyişmək hansı kitabda.
Zaman məlhəm deyil , qayçı tək kəsir.
Kəsir keçmiişini gələcəyindən.
Hər kəs bu gününün üstündə əsir.
Keçmiş, gələcək də uğrunda deyil.
Qatlanıb min cürə ağrı, əzaba.
Üsyan eləsəm də göylərə, yerə.
Özüm öz odumda alışıb yandım.
Nə qədər çalışıb vuruşsam da mən.
Bəxt deyən bir şeyə sonda inandım.
Hər şər bir xeyiri gətirir guya.
Şər astarda saxlı, xeyir üzündə.
Hər gün bir başqa cür görünür dünya.
Dərdlər də rəngini dəyişir gündə.
Комментариев нет:
Отправить комментарий