Baxışıvı əsirgəmə

Xosrov Barışan

ORMAN

Göz önündə ormanım;

Xəzan gəlib

Güz mövsümü...

Düşdü yapraq

Mən düşürəm.

Yığırsan günlərimi

Ömür adlı bir ağac...

Yel də kərvanın sürür...

Gör necə fışıldayır...

Götürürsən addımı,

               Naqus çalır

                Zınqıro, dıngıro,

                                     
Xış...

                                       Xış...

                                        Xış...
Geçəndə yel dibindən

         Təbiət sızlayaraq

          Bayquşlar fışqa çalır!

Qarıltı mərsiyəsin

                Qarqalar

                  Çalırlar A..!

                    Hey çalırlar..!

 Və mən;

  Kölgəsində ilanın

                 Yatmamış,

                  Nə’rə çəkən bir aslanam. 

DƏNİZ, QIYI SƏNFONİSİ

Dəniz gözlüm

  Baxışıvın dalğaları

       Ürəyimin qıyısına

                   Damğa vurur...

***

Dəniz, qıyı sənfonisin

 Dəniz quşun dinləyərək

                    Tez qoşuram.

BİR ANDA DA...

           

Mən...

   Sən...

Çırpıntılar,

     Ürəyimdə....

         Ürəyində...

Çırpınışın dalğaları,

                 Duyğularım...

                    Duyğuların...

Dalğaların hayxırışı,

                   Sevgilərim...

                      Sevgilərin...

Hayxırışın ilişməsi...

 Körpülərin oluşması...

Və sevdamız...

Bir anda da,
       Zəlzələlər,

Vay Ayrılıq...

Çata cummuş gələcək!!!

FİDAN

Baxışıvı əsirgəmə,

  Gözlərimin baxçasına.

Cücərən bir fidanam,
                           Nəfəsi

                                  Bil

                                   Baxışında çəkirəm. 

Özü haqqında: Xosrov Solh Konəndə Sərdəri 1983-üncü  ildə Təbriz şəhərində dünyaya göz açdı. Onun şeirlərinin çoxu sərbəst, iki beytli, qəzəl qalıbındadırlar. Ancaq şair hər üç qalıbda da yenilik yaratmağa çalışır. Xosrov öz təxəllüs adını Barışan seçibdir. Bu ad öz soy adının Türkcə anlamıdır. O bilimyurdunda oxuyan illərdə Aşina adlı derginin ədəbi başyazarlığını  üstələnmişdi. Ayrica iki şeir özəl sayısı dərgisinin (Şəm-i xəyal adlı) başyazarlığını da üstələnmişdi. Şeirdən əlavə, Barışan hekayə yazmağa da maraqlı birisidir. Elektron ünvanı: barishan1983@yahoo.com, barisan@box.az