“Ssenaridəki rolumu məsuliyyətlə oynamalıyam”

Rövşən Yerfi “TEZ-BAZAR”da

-Özünüzü 2 sözlə təqdim edin.

-Adicə yazıçı.

-Sizi necə təqdim edəndə razı qalırsınız?

-Olduğum kimi.

-“Mən kiməm?” sualına necə cavab verirsiniz?

- Özünü təsdiqə çalışan...

-Dost..

-Qardaş əvəzi.

-İlk sevginiz?

-Uşaqlıq nağılı.

-Əsas ixtisasınız?

-Kitabxanaşünas-biblioqraf.

-İstifadə etdiyiniz nəqliyyat növü?

-Yeraltı “tramvay”...

-Sevdiyiniz maşın markası?

- Oka.

-Sevdiyiniz brend?

-Hələ ki, seçməmişəm.

-Sevdiyiniz saç düzümü?

-Qısa.

-Sevdiyiniz rəng?

-Qara, ya da bönəvşəyi.

-Ən çox bəyəndiyiniz ölkə və şəhər?

-Təkcə Rusiyanı görmüşəm. Kaluqa.

-Sevdiyiniz yemək?

-Hər növ qızartma.

-Ən çox istifadə etdiyiniz söz?

-Olana şükür.

-Leksikologiyanıza yad olan söz?

- İşində ol...

-Sizi nə həyəcanlandıra bilər?

-Uşaq ağlaması.

-Ən çox sevvdiyiniz kitab?

-“Dahi”, ”Amerika faciəsi”.

-Ən çox sevdiyniz yazar?

-Drayzer, Mopassan.

-Ən çox bəyəndiyiniz ifaçı?

-Barış Manço, Flora Kərimova.

-Ən çox bəyəndiyiniz musiqi janrı?

-Sakit və sözü olmayan musiqilər.

-Özünüzdə qeyri-adi istedad hiss edirsinizmi?

-Təəssüf ki, qazanclı işlərdə yox...

-Mənfi xüsusiyyətiniz?

-Tənbəllik.

-İdeal insan necə olmalıdır?

-Nəfsinə sahiblik etməyi bacarmalıdır.

-Özünüzü ideal insan hesab edirsizmi?

-Bacarsaydım istərdim.

-Sizi özünüzdən nə çıxara bilər?

-Qəlbə toxunan haqsızlıq.

-Həyat fəlsəfənizi ifadə edin.

-Mən ssenaridəki rolumu məsuliyyətlə oynamalıyam.

-Siz xoşbəxtsinizmi?

-Şükür, Allah malik olduqlarımı itirməkdən qorusun.

-Bədbəxtliyin xüsusi düsturu varmı?

-Sonu düşünülməyən hərislik.

-Hər şeyin sonu üçün əvvəlinə münasibətiniz necə olur?

-Keçənə güzəşt edərlər.

-Ölüm niyə ölmür?

-Ölüm olmasa maddi dünyanın düzəni pozular...

-Dinlərə münasibətiniz?

-Fövqəlqüvvənin varlığına inanıram.

-Kimdən və nədən xilas olmaq istərdiniz?

-Qeyri-səmimi olan hər şeydən...

-Falçıya inanırsanmı?

-Bir o qədər yox.

-Daş olmaq yaxşıdır, yoxsa daşlaşmaq?

-Heç birini istəməzdim.

-Sevinciniz nə qədərdir?

-Çalışıram ki, qədərini ötməsin.

-İnsanların hansı xüsusiyyətinə dəyər verirsiniz?

-Mənəvi səviyyəsinə görə.

-Bağlayıcılardan çoxmu istifadə edirsini?

-Yeri gələndə.

-Çayı içmək ürəyinizcədir, yoxsa keçmək?

-Məqamına baxır.

-Gülməyi xoşlayırsız, yoxsa güldürməyi?

-Heç birini.

-Mənə sualınız?

-“Tezbazar” olan iş, ucuz ətin şorbasına bənzəyər. Bu qaçaqaçla nə əldə edəcəksiz?

Tural Balabəyli