30.04.2013

Ey başımızın ucalığı Ocağımız, səninlə var olduq!

27 İstək günü, Çiçək ayı 35-ci ildə (27.04.2013) Mütləqə İnam Ocağının Ruhani Mərkəzində Ocaq Ailələrinin ikinci toplantısı keçirilib. Budəfəki tədbir özünün bayram səviyyəsi, idrak-fərəh birliyilə yadda qalıb.
Mütləqə İnam Ocağının Bayrağı qarşılanıb. Evladlar bir səslə “Ata Ruhuna pənah gətirmişik!” deyiblər. “Atalılar Türküsü”nü Uluruh, “Doğadakı Mütləqlə Gündüz Qovuşması”nı (Təmas) – Yolruh, “Ataya Günorta üztutması (Rica) – Doğma deyiblər.
Ocağın Ruhani Başçısı Safruhun Ailə gününə uğurlaması dinlənilib: “Ürəyinizdə Ata Günəşi olsun! Biz millət adından danışırıq. İndiki zamanda millət adından çığır-bağır, başqaları ilə düşmənçilik, yırtıcılıq etmək, dövlətdən külli vəsait qopartmaq dəbdir.

29.04.2013

Ustad Əli Şəriəti ailəsi ilə


Çox əzablıdır
Xəzinə olub, gizli qalmaq!
Xəzinə olub, xarabalıqlarda unudulmaq!
Böyük əzabdır elm olub alimsiz qalmaq!

MƏMMƏD QƏDİR. Bahar ağacları

Bu dünya oxdan asılıb,
Varlığı yoxdan asılıb,
Nəsimi çoxdan asılıb,
Quruyub dar ağacları

Hər toranlıq axşam deyil,
Hər şölə saçan şam deyil,
Bu gəzənlər adam deyil,-
Qəhər, qübar ağacları.

Ölüm imiş bildikləri,
Ağlamaqdı güldükləri,
Kim güldürər kötükləri,
Kim ağladar ağacları


ADNA xatirələri

Mərdan Əzimov

İndiki kimi yadımdadır. 2009-cu ilin aprel ayının 30-u idi. Bir dəli sevginin əsiri olmuşdum. Gecəm gündüzümə qatışmış, günüm qara olmuşdu. Hər gün olduğu kimi 30-u günü də məktəbə getmişdim ki, ona doyunca baxım. Uşaq idim. Ağılsızlıqdan əziyyət çəkirdim...
Dərs arası fasilə də hamı kimi o da həyətdə idi. Alovlu baxışlarla ayağdan başa kimi süzürdüm onu... Olacaq heçnədən xəbərim yoxdu, kimlər can verir, kimlər nə çəkir, kimlər can alır bilmirdim. Xoşbəxt idim. Biraz keçmişdi ki, həmin qızın qardaşı gəldi. Bacısına asıldığımdan xəbəri yox idi. O yanımda olmasına baxmayaraq onun bacısına baxırdım. Dəli bir sevgi idi bu...
Birdən dedi ki, Neft akademiyasına silahlı basqın olub. İnanmadım. Dedi dayım oğlu orda oxuyur bayaq o zəng vurmuşdu, 9 nəfər ölüb deyir.

Məlihə Əzizpur - Uşaq şeirləri

1
gəlin bir şəkil çəkək
şəkildə çiçək çəkək
çiçək üstə kəpənək
qanadını çil çəkək
sonra gözəl rəngləyək
öyrətmənə pay verək.

2
Qarışqaya dən qədər
Serçəyə böcək qədər
Çörək çataydı keşkə
Ac ölən uşaqlara...

3
Pişan-pişan xan pişan
Hamıdan qorxan pişan

28.04.2013

İsa Qəmbər Azərbaycan müxalifətini fırladır

İsa Qəmbər 1988-ci ildən H. Əliyevin əlaltisi olub və indi də H. Əliyevin qurduğu rejimə xidmət eləməkdədir. Bunu isbat edə bilən çoxlu faktlar vardir.
Rəylərdə mən sizlərə SSRI DIN-nin Istintaq Briqadasinin fəaliyyəti haqda ASSR Ədliyyə müşaviri tərəfindən tərtib olumuş sənədi təqdim edirəm. Sənəd AR Baş Prokurorluğunun arxivindən AR əks-kəşfiyyat zabiti tərəfindən 1994-cü ildə oğurlanmişdir. Sənəd Avstriya hökuməti tərəfindən həqiqi sənəd kimi tanınaraq, həmin zabitə siyasi siğinacaq verilmişdir. Zabitin kimliyi Mahir Cabadova məlumdur.
Sənədin 3-cü səhifəsindən fraqment: "Mehtiyev (Ramiz Mehtiyev. tərc.qeydi) ASSR Elmlər Akademiyasinda "ziyalilar" adlanan, əslində isə Naxçıvan klanının "beyin mərkəzi" olan qrup seçərək onların adindan guya ki, yaranmiş kritik siyasi şəraitdə ölkəyə rəhbərlik etməsi üçün H.Əliyevə rəsmi müraciət qəbul etmişlər. Qeyd etmək lazimdir ki, Mehtiyevin (Ramiz Mehtiyev. tərc.qeydi) arvadi milliyyətcə ermənidir və H. Əliyevlə ana xətt ilə qohumdurlar." 

ALTAI culture - Tuva - In memory of Kül Tegin - Külteginin Hiygizi


Qanun və biz

ANAR SADILLI

Hər bir insan yaşadığı həyatda bir rəhbərdır, vəzifəsindən asılı olmayaraq. Bəzilərimiz dövlət idarələrində, ailədə, cəmiyyətdə və s...
Ədalətli hökm etmək insanın vicdanının borcudur. Cox zamanlar ədaləti də pulnan alırıq və hər ədalətsizlik istəyimizi rüşvətlə həll edirik. Bir anlıq sevinirik ki, bir işimizi də belə həll etdik. Unuduruq ki, zaman gələcək, rüşvət verəndə və alanda eyni dərəcədə hesab veriləcək. Bu gün yaşadığımız dünyada ədalət anlamı insanların istəklərinə görə dəyişir. Yaşamaq uğrunda can atan insanlıq hər bir maniəni dəf eləmək üçün bütün məqsədlərdən istifadə edir, nəticəsinə varmadan. Sözsuz ki, yaşamaq uğrunda mücadilə etmək lazimdır, amma hansı dəyərlər və qanunlarla? O dəyər və qanunlar haqqı yaradanın qanunlarına zidd olmamalıdır.

Hicablı qız Hollandiyanı heyran etdi


Hollandiya televiziyasında yayımlanan 'X Factor' adlı mahnı yarışmasında iştirak edən Şevval Kayhan adlı hicablı gənc qız performansıyla hər kəsi özünə heyran edib. Özü yazdığı “Hello” mahnısını ifa edən gənc qız zaldakıları göz yaşlarına boğub.

Günün fotosu

Yazaraq bitirəcəyəm səni...

İradə Cəlil

Hər kəlmədə, hər sözdə bir damla sevgi qoyacağam
Əsərlər yazacağam o sevgini bitirə-bitirə...
Səni yazılarımda göməcəyəm
Hər şeir, hər əsər sevgi qoxuyacaq
sevəcəklər məni səni bitirdiyim şeirlərlə...

Yazaraq bitirəcəyəm səni...
əvvəlcə tanışlığımızı, sonra anidən sənə tutulmağımı
hər kəlmədə göz yaşı olacaq, sevgi olacaq...
Hər kəs doğmalıq duyacaq bu sətirlərdə
hər kəsin həəyatından bir parça
tərtəmiz sevgi....

Yəqin ki, nə zamansa peşman olacaqsan bu sevgini itirdiyin üçün
Yəqin ki, əzab çəkəcəksən bu sevgini ürəyimdə bitirdiyin üçün..

136 yaşında qız atası olmuşdur


Şirəli Müslümov — 168 il ömür sürüb. Dünyanın ən uzunömürlü sakinlərindən biri. Şirəli Müslimov 1805-ci ildə Lerik rayonunun Barzavu kəndində doğulub, 1973-cü ildə vəfat edib. Şirəli Müslümov 3 dəfə evlənmiş və 23 evlad sahibi olmuşdur. 1966-cı ildə Azərbaycan Kinostudiyası tərəfindən onun haqqında "Şirəli dağdan endi" adlı sənədli film çəkilmişdir. 136 yaşında qız atası olmuşdur. Uzun ömürlülüyünə göre Ginnesin Rekordlar Kitabına düşmüşdür. Onun haqqında National Geographic və Time jurnalları material dərc etmişdir.

Azərbaycan tarixi fotolarda

Тюрки и славяне братья

XIX ƏSRDƏ VİLAYƏT VƏ TAYFALARA GÖRƏ İRANIN ƏHALİ TƏRKİBİ

Vüqar Xəzaralının tərcümələri

Aleksey Mixayloviç Kolyubakin
Rusiya Baş Qərargah polkovniki

TÜRK-TATAR MƏNŞƏLİ TAYFALAR. İranın əsas əhali qrupları içində, türk-tatar mənşəli tayfalar hərbi nöqteyi nəzərdən əsas maraq kəsb edir: bu tayfalardan nizami qoşunların  ən böyük, həm də ən yaxşı hissəsi komplektə olunur; həmçinin bunlar atlı milisin(haciz) əsas hissəsini  təşkil edir.
İranda yaşayan türk-tatarlar, qeyd etdiyimiz kimi, əsasən səlcüqların, moğolların, türkmən(qara-ağ qoyunlu) və Səfəvi  yürüşləri və hakimiyyəti vaxtında köç etmiş  müxtəlif türk tayfalarından qaynaqlanır. İranın əsasən Quzey hissəsinə yiyələnmiş türk-tatarlar yerli əhalini qismən sıxışdırmış, qismən onlarla qarışmış, bununla belə öz milliyətini itirməmiş, və beləliklə Azərbaycan və Quzey İrakın əsas əhalisini təşkil etmişlər, ayrı-ayrı tayfa və budaqlar bütün İrana yayılmışdır.

27.04.2013

RASPUTİNİN RUSIYASINDAN PUTİNİN RUSİYASINA “PRİVET”!

Hafiz Mirzə

* Rusiyadan çox məşhur insanlar çıxmışdır. Amma onların çox az hissəsi əsil rus olmuşdur. Bəlkə də gəlmələr buna imkan vermədiyinə görə əsil ruslar özlərini tam ifadə edə bilməmişlər. Bütün dövrlər ərzində Rusiyanın başına nə gəlmişsə gəlmə­lə­rin ucbatından olmuş, amma heç bir nəticə çıxarılmamış və hər şey yenidən təkrar olun­muşdur. Hər xalq öz totemini xatırladır. Rus xalqının totemi olaraq ayının se­çilməsi heç təsadüfi deyilmiş; ifrat səbirliyinə, yatağanlığına görə. Rusiyadan çıxmış əsil rus kökənli böyük istedad sahiblərindən biri də Qriqori Rasputin olmuşdur. 1869-cu ildə anadan olmuş bu adam öncəgörmə və fövqəlenerji qüd­rətinə malik imiş. Nələr baş verəcəyindən qabaqcadan xəbər verir və bir çox xəs­tə­ləri özünün mistik müalicə üsulları ilə sağaldırdı. Adamın sorağı gedib rus çarı II Ni­kolayın sarayına çatmışdı.

Qarabağ qazisi

Taleh Eminoğlu

        Yuxudan tez durmuşdu. Daha doğrusu həyat yoldaşı oyatmışdı. “ Qalx, əl – üzünü yu, hazırlaş axı bu gün vacib tədbirdə iştirak etməlisən ” – demişdi. Könülsüz olsada durmuşdu. Səhər yeməyindən sonra uşaqlar məktəbə getmiş, həyat yoldaşı isə həvəslə onun tədbirə geyəcəyi kostyumu ütüləməyə başlamışdı Özü də televizoru işə salıb kresloda yerini rahatlayıb, xəbərlərin səhər buraxılışının başlamasını gözləyirdi. Keyfiyyətsiz məhsulların reklamının ardından xəbərlər proqramı başladı. İlk məlumat qara xəbər oldu – “ bu gün gecə saat 03:35 radələrində erməni silahlı qüvvələrinin atəşkəsi pozması nəticəsində milli ordumuzun bir əsgəri şəhid olmuşdur. Allah rəhmət eləsin. ”
- Allah cümlə şəhidlərimizə rəhmət eləsin.

Günün fotosu

Gül incədirsə, sən, gözəlim güldən incəsən...

Əliağa Vahid

Gül incədirsə, sən, gözəlim güldən incəsən,
İncə nəzakətin qədər incə düşüncəsən.

Hər oynadanda xəm qaşını, qan olur könül,
Sanki bu fikirlə əl atırsan qılınca sən.

Zalim, həmişə könlümü incitdi firqətin,
Ömrümdə qoymadın məni bir ləhzə dincə sən.

Ayinələr xəcalət olur görcək əksini,
Naz ilə şanə zülfünə hərdən çəkincə sən.

Gözdən kənarə getmə, bu dərd öldürər məni,
Bilməm, nə növ səbr edə billəm gəlincə sən?


Hacı Arif Buzovnalı - Sənsiz

Dolub dərdü qəminlə bağrımın başı daşır sənsiz.
Hesabın sorma saysızdır, qəmim başdan aşır sənsiz.

Səadətdən, məhəbbətdən həmişə dəm vuran könlüm
Xəyalınla gecə-gündüz kədər, qəm paylaşır sənsiz.

Səninlə hər qəmi dəf etməyi adət edən qəlbim
Fərağından gələn min bir əzaba qatlaşır sənsiz.

Bütün dünyaya mən düşmən kəsildim, kimsəsiz qaldım
Bu üzdən ruzigarım get-gedə ağırlaşır sənsiz.

Görüm viran ola bir vaxt dolaşdığmız çəmənzarı
Həyasızmış yaman gül açmağa hazırlaşır sənsiz.


Yenə asudə ikən uğradım bir şuxi-zibayə...

Məhəmməd bəy Aşiq

Yenə asudə ikən uğradım bir şuxi-zibayə,
Üzü gül, arizi mül, zülfü sünbül, çəşmi şəhlayə.

Üzü sahir, özü zahir, gözü can almağa mahir,
Görən bir baxışın verməz onun dünyavü üqbayə.

Dəhanın var-yox sirrini bilmək xeyli müşküldür,
Əcəb mahirdir ol əyyar hər elmi-müəmmayə.

Baxanlar qamətindən rəmzlər anlar qiyamətdən,
Görənlər şəkli-əbrusin, dəxi baxmaz yenə Ayə.

Yer üzrə durmadı, getdi, səmavatı məqam etdi,
Ləbi ecaz rəmzin göstərən dəmdə Məsihayə.


Qəddafi dövründə Liviya reallıqları

1. Benzin sudan ucuzdur. 1 litr benzin - 0,14 dollardır.
2. Yeni evlənənlərə mənzil almaq üçün 64000 dollar verilir.
3. Təhsil və müalicə tamamilə pulsuzdur.
4. Ailənin hər üzvünə dövlət ildə 1000 dollar dotasiya ödəyir.
5. İşsizlik müavinəti - 730 dollardır.
6. NATO-nun hərbi bazalarını bağlayıb.
7. Tibb bacısının maaşı - 1000 dollardır.
8. Hər yeni doğulan şəxs üçün 7000 dollar ödənilir.
9. Şəxsi biznesin qurulması üçün birdəfəlik 20000 dollar maddi yardım edilir.
10. Böyük vergi və rüşvət qadağan edilib.
11. Adambaşına düşən ümumi daxili məhsulun (ÜDM) dəyəri - 14192 dollardır.

26.04.2013

SİMANIN QƏMLİ HEKAYƏTİ

Akif Abbasov

(“Acı xatirələr” romanından bir parça)

Sima da razı qalmışdı. Amma “Cücələrim” Rasimə baha başa gəldi. Hər dəfə bu mahnını səsləndirmək üçün 10 manat verirdi. Üst-üstə 230 manat pul xərcləmişdi. Sağlıqlar bir-birini əvəz etdikcə araq və konyak dolu qədəhlər qalxır, toqquşdurularaq içilirdi. Arada Müjkanla Sima əl çantalarını da götürüb ayaqyoluna dəyir, üz-gözlərinə su vurub geri qayıdırdılar.
Hərəyə bir şüşə spirtli içki boşaltmışdılar. İkinci şüşələr stolun üstündə idi. “Cücələrim” çalınırdı. Arada durub oynayırdılar. Qulaqlarına narazılıq ifadə edən səslər də dəyirdi: “Nə qədər olar: cip-cip, cücələrim?..”
Müjkan bu dəfə foyeyə tək çıxmışdı. Rasim dərhal onun ardınca yollandı. Müjkan sütuna söykənib Moskva gecələrini seyr edirdi. Rasim yaxınlaşıb arxadan onu qucaqladı.

25.04.2013

Lənət şeytana. Yenə vuruldum.

İsgəndər Bababəyli

Bayaq dərsdın çıxıb avtobusla evə gəlirdim. Bayıldan 20-ci sahə tərəfdə qədər uzun bir tıxac var idi. Dərsdən tez çıxmışdım və bu ucsuz tıxacı görəndə evə gec çatacağımı düşündüm və kefim pozuldu. Bir az da avtobusdakı sərnişinlərin çığır-bağırı, tıxacdakı maşınların mühərrikinin səsi, verdiyi siqnallar əsəblərimi gərginləşdirmişdi. Hətta qarşımda dayanan oğlanın bütün bu olanlara etinasız qalması da bir tərəfdən əsəblərimə toxunurdu. Onun bu qatma-qarışıqlıqda necə təmkinini və sükutunu qoruya bilməsi məni həm təccübləndirir, həm də qıcıqlandırırdı.(İndi yadıma düşür ki, onun qulağında nauşnik var idi.) Şofer başını pəncərədən çıxarıb, qışqıra-qışqıra tıxacdakı o biri şoferlərdən aletrnativ hansı yolun olduğunu soruşur, yüksək səslə telefonla danışırdı. Bu qeyri-etik danışıq, jarqon ibarələr da istər istəməz gərginliyimi bir az da artırırdı.

Türkmənçay anlaşmasının ləğvi

Vüqar Xəzaralı

Son günlər Gülüstan və Türkmənçay müqavilələrinin yenidən baxılması məsələsi İran tərəfdən eşidilməyə başlayıb. Bu birinci müqavilənin 200 illiyi ilə əlaqələndirilir. Və bir millətin, istənilən formada, birləşməsi təşəbbüsü müsbət hadisədir, o sadə səbəbə görə ki, istənilən millət ancaq bütöv formada normal inkişaf edə bilər. Ama demək asandır, yerinə yetirmək isə çətin. Çünki birləşmənin lehinə olanlardan başqa əleyhinə olanlar da var, və bunlar çoxluq təşkil edir. Və bunlar nəinki xaricdə daxildə də var. Əvvəl xarici əleyhdarlar və lehinə olanlar barədə.1. İsrail. Məncə İsrailin bunun əleyhinə olmasının səbəbləri barədə dartışmaq artıqdır. 2. Rusiya. Bax bu çox maraqlı məqamdır. Rusiya siyasi elitası anlayır ki, beləliklə Azərbaycanı birdəfəlik itirməli olacaq, və bu azmış kimi o İranı da itirməli olacaq.

24.04.2013

"Milli Dövlətçilik Naminə" hərəkatı yaradılıb

"Milli Dövlətçilik Naminə" hərəkatın təsis konfransı keçirilib

5 nəfərin təsis etdiyi hərəkatın əsas ideyası milli dövlətçilikdir. Hərəkatın təsisçilərindən biri, idarə heyətinin rəhbəri Tariyel Faziloğlu bildirib ki, Azərbaycanda milli ideologiyanın hazırkı durumu və boşluqların doldurulması zərurəti bu təşkilatı meydana çıxarıb.
O, təşkilatın  milli məsələ ətrafında birləşməyin vacibliyindən yarandığını  da vurğulayıb. Bütün vətənpərvərləri milli məsələ, milli-mənəvi dəyərlər ətrafında birləşməyə çağıran hərəkatın təsisçilərindən biri  Gülnar Əhməd bildirib ki, əsas hədəflərdən biri ictimai-siyasi həyatda milli təfəkkürlü gənclərin təşkilatlanmasını təmin etməkdir. "Milli Dövlətçilik Naminə" hərəkatının rəhbərlərindən biri Oqtay Hacımusalı isə qeyd edib ki, xaricdən müəyyən qüvvələr  Azərbaycan xalqına zidd ideologiyalar, zərərli fikirlər yeridilməsi istiqamətində çalışırlar: "Əsas işlərimizdən biri, bunun qarşısının alınması olacaq".

Tale oynadı mənimlə...


Dasdemir TagiyevDaşdəmir ƏJDƏROĞLU

Gənc şair Vəfa Mürsəlqızı özünü dərk edir, öz imanı, məsləki, əqidəsi yolunda sabaha doğru mətin addımlarla addımlayır

Xoş təbiəti, həlim xisləti ilə öz oxucularının hafizəsinə qonmuş gənc şair Vəfa Mürsəlqızının yaradıcılığı ilə tanış olduqda adama elə gəlir ki, onunla neçə illərdir ki, tanışdır. Zamanından asılı olmayaraq o bizə – pərəstişkarlarına daha yaxın görünür. Onunla sırf təsadüf nəticəsində tanış olmuşuq. Bir neçə ay idi ki, görüşüb söhbət edə, yaradıcılıq polemikaları apara bilmirdik. Nə əlahəzrət zaman, nə də müqəddəs Tanrı imkan verirdi ki, bircə saatlığa olsa da, görüşüb söhbətləşək, yaradıcılıq diskussiyaları aparaq, poeziyamızın dərinliklərinə baş vurub dərdləşək. Bu da bir tale, qismət payıdır. 
Bəli, üz-üzə dayanmışıq neçə illərin tanışı kimi. O danışır, mən qulaq asıram, mən danışıram, o, diqqət kəsilir mənim müxtəlif məzmunlu söhbətlərimə.

Ankarada Zehtabinin yubiley mərasimi keçirildi

Aprel ayının 21-ində Türkiyənin paytaxtı Ankarada Profesor Zehtabinin yubiley mərasimi keçirildi. Konfransda Zehtabi haqqında münsiflər heyəti tərəfindən seçilmiş məqalələr oxundu. publika.az-ın verdiyi xəbərə görə, məqalələrin mövzusu  Zehtabinin ədəbi yaradıcılığı, tarix və dil üzərində düşüncələri, eləcə də Prof. Zehtabinin Cənubi Azərbaycanda təsiri kimi məsələlər olub. Konfransa Cənubi Azərbaycanın tanınmış mədəni və milli fəallarından olan Mehdi Nəimi də bu konfransa qatılaraq .Zehtabi haqda geniş və dəyərli bilgilər verib.
Xatırladaq ki, 2013-ci  ilin Zehtabi ili elan edildikdən sonra ilk olaraq Türkiyədə yubiley mərasimi keçirilib.  Bu mərasimlərin davamının olması, eləcə də başqa ölkələrdə də keçirlməsi gözlənilir.

Qayaların içərisindəki kənd

Arzu Abdulla

Quzeydən Eynalı dağı, Güneydən Səhənd dağları ilə əhatələnmiş Təbriz dünyanın ən gözəl şəhərlərindəndir. Eynalı dağının ətəklərindən baxanda Təbriz ovuc içi kimi görünür. Burdan qədim şəhəri seyr eləməyin öz ləzzəti var. Biz Eynalıya hava qaralanda çatdıq. Qarşımızda çox qəribə mənzərə açılmışdı. Sanki xırda muncuqlarla bəzədilmiş iri bir çılçırağa baxırdıq. Şəhərdən azan səsi gəlirdi. Azançı bu işıqlı, rahat, qədimdən qədim şəhərdə yaşayanları Rəbbinə duaya səsləyirdi. Təbriz çox mistik görünürdü.
Yəqin ona görədir ki, Eynalı dağı təbrizlilərin çox sevdiyi məkanlardandır.

Talış nənə

Yəhudilərin dünya xalqlarını genosiidi davam edir


Bu foto 10 gün əvvəl çəkilib. Əfqanıstanın Kunar əyalətində... NATO güclərinin təşkil etdiyi hava hücumunda bomba bir evə tuş gəldi.
12 vətəndaş öldü. 11i uşaq idi.
Uşaqların cəsədlərini evdən çıxardılar, yan-yana düzüb fotoşəkilini çəkdilər.
Dünya görməməzlikdən gəldi.
NATO üzr belə istəmədi.
Uşaqlar dünyanın diqqətini çəkə bilməyəcək qədər uzaq bir yerdə ölmüşdülər.

23.04.2013

Masallı Mamed Dostoyevskinin bütün kitablarını oxumuşdu

Azər Nurun “Masallı Mamed" kitabından seçmələr

O, orta məktəbi bitirəndə univermaqda şöbə müdiri işləyən atasının işi məhkəməyə düşdü. Üzünə duran iman­sız şahid də milis işçisi idi... Əslində atası şöbədə satı­cı işləyən gənc bir qızın milisə-məhkəməyə düşməsin deyə “günahını” öz üzərinə götürmüşdü, bu, əsl azər­bay­can­lı-müsəlman kişisinin necə böyük ürək sahibi olduğuna dəlalət edən alqışa layiq bir xarakter idi. Amma ailənin yeganə çörək qazananı olan ataya nahaqdan maddi və mə­nəvi ziyanlar vurulurdu. İşi o qədər yubatdılar ki, oğlu 17 yaşına qədəm qoydu. O, ailənin ikinci oğlu idi. Böyük qardaşı hərbi xidmətə yola düşmüşdü. Evdə ondan başqa 5 uşaq böyüyürdü. Böyük ailənin başsız qalacağını düşünə-düşünə içinə qorxunc fikirlərin nə zaman dolduğunu bilmədi... 5-10 qəpiyə görə ticarətçi atasının üzünə duran milisi yalan ifadəsini geri götürtmək, əks təqdirdə ona həddini bildirmək, cəzalandırmaq fikrinə düşdü.

SÜLEYMANIN MƏBƏDI

Fizuli Şəfiyev

Yəhudilər Tövrata əsaslanaraq inanırlar ki, Allah onlara “Kipur günü” gəldikdə Sina dağında Süleymanın məbədini tikməyi əmr etmişdir. Bu, Bəni – Israilin daima yerinə yetirməyə borclu olduqları 613 “mitzvot”dan biridir.
Musa bin Meymunun təfsirinə əsasən Allah-taala yəhud qövmünə Ona xidmət məqsədilə bir məbəd tikilməsini tapşırır. Həmin tikiləcək məbəddə yəhudilər öz qurbanlarını kəsməli və ildə 3 dəfə bayram və ziyarət mərasimləri icra etməlidirlər.
Məbəddə müxtəlif mərasimlər üçün xüsusi yerlər nəzərdə tutulurdu və bu məqsədlə məbədin əsas salonundan başqa bir neçə qolu da var idi. Bundan başqa məbəddə, ona şamil edilən qızıl şamdan, miz, qurbangah yeri və sair əşyalar da məbədin əsas hissələrindən sayılırdı.

Ayrılıqlar


Sədaqət Kamal

Tək qayığam dalğalanan dənizdə
Ləpələrdən ləpələrə qalxıram,
Sən sahildə həsrətilə qalmısan,
Mənsə sənə göy sulardan baxıram

Ah, görürəm, dayanmısan, əzizim,
Qollarınla sıx qucmusan özünü,
Külək qovur, yağış yağır, əsirsən,
Kimə gərək bu məhəbbət dözümü...

Mən sevirəm, sən sevirsən, şahiddir,
Mavi sular, bir də ki, lal balıqlar.
Hər sevənə yazılsaydı qovuşmaq,
İş-gücündən olardı ayrılıqlar...

Salam olsun Zindanda haqq əhlinə!

haberKadussi Ehli Shie

Əziz qardaşım dünya  xəlbirə  bənzəyir. Bəzən bu xəlbir bərk, bəzən də yavaş silkələnir. Kərbəlada bu xəlbir elə silkələndi ki, yalnız xalis imanı olan Mömunlər nicat tapdı. Nicat tapanlardan savayı xəlbirdə qalan lazımsızlardır. Əslində bu işdə Allahın hikməti vardır. Hacı Abgül buyurur ki, bəzən özümüzü yuxarılarda təsəvvür edirik. Əslində biz Kərbala da imam Hüseyn (e) yarı yolda qoyan o dönük küfəlilərik. Bu gün ölkədə hicab problemləri namuslu vicdanlı insanları həbs etməklə davam edən rejiminə susaraq birdə küfəli olmasını sübut edirik. Onsuzda vicdanlı insanlarımız xəlbirdən keçdilər. Onlar Allahın nicat tapanlarıdır. Allah onları zindandanla müjdələdi. Bizik o xəlbirdə lazımsız qalanlar.

Siz bizim dostumuzsuz, müəllim...

Günel Treu

Bu sözləri bu gün eşitdim, bir şagirdimin, özü də oğlan şagirdimin dilindən! Doğrusu, bu balaca cümlə dünən korlanmış əhvalıma dərman kimi gəldi, ürəyimə sərinlik gətirdi sanki. Zəng vurulduqda, tənəffüsə çıxan şagirdin qəfil geri dönüb, niyə bu sözləri deməsini doğrusu, anlamadım. Amma əsas odur ki, niyə deyilməsindən asılı olmayaraq, çox sevindim! Bu sevincimin əsas səbəbi isə...
Çox deyil, elə bir gün öncə sosial şəbəkələrdə insanı heyrətə düşürəcək video material yayıldı: Üç-dörd yuxarı sinif şagirdi utanmadan, çəkinmədən müəllimin qarşısında rəqs edirdilər, özü də necə rəqs! Əvvəlcə nə baş verdiyini anlamadım. Düşündüm ki, bu uşaqlara nə olub axı? Onları nə vadar etdi ki, qəfil ayağa qalxıb müəllimin qarşısında “atılıb-düşməyə” başladılar? Bu videoya baxa-baxa sanki özümü itirdim, kimi günahkar çıxaracağımı bilmədim. Həmişəki düşüncəmlə yenə də bütün diqqətimi müəllimin üzərində cəmlədim və elə ilk olaraq ağlımdan bu keçdi:

Eramızdan 500 il əvvəl salınmış Əhmənilər dövlətinin paytaxtı Təxti-Cümşüd

Rəmiş: "Sərdar Cəlaloğlu, səni harda tutsam..."

Sərdar Cəliloğlu: "Qubadlılar Həcər ruhlu olduğuna görə, Qubadlını qoyub gəldilər. Onlar Sultan bəy ruhunda olsaydılar, nə Qubadlı işğal olunardı, nə də bu söz-söhbət yaranardı".

Əməkdar artist Rəmiş Sərdar Cəlaloğlunun iddialarına sərt cavab verib

O, publika.az- a açıqlamasında bunları deyib: “Sərdar Cəlaloğlu, sənin yerini bilirik. Səni harda tutsam, bu sözün heyfini çıxacağam. Qarabağın qeyrətli oğlanları gəlib səni bir gecədə məhv edər. Deyəsən, hakimiyyətdə heç bir yer ala bilməmisiniz, içinizin yanğısını xalqı təhqir etməklə soyudursunuz. Qarabağlılar Qarabağı qoyub gəlməyib. Onu sənin kimilər, yan-yörəndəkilər satıb. Başın ayılanda, yan-yörəndəki qadınların əxlaqına diqqət elə.

Günün fotosu


PREZIDENT ƏHMƏDİNEJAD MƏNİMLƏ DOĞMA ANA DİLİMDƏ DANIŞDI... BƏLİ, BELƏ DƏ DEDİ: AZƏRBAYCAN XALQINA SALAMLARIMI ÇATDIRIN,MƏN ONLARI SEVİRƏM, SONRA DA ƏLİNİ ÜRƏYİNİN ÜSTÜNƏ QOYUB: "ÜRƏKDƏN SEVİRƏM"- DEDİ.

Sadaqat Kamal

Boston terroru -qurulmuş teatr

Boston terrorunun pərdəarxası

Bostondakı partlayış banal teatr tamaşasıdır. Mən həmin marafona web kameradan baxdım.

Birinci partlayışdan sonra çoxlu tüstü qalxdı. Ərazini əhatəyə alan polislərin bəziləri hətta partlayış səsini eşitmədi.

Uşaqları psixoloji terrordan necə qoruyaq


Elçin Bayramlı

Bu gün teleekranda yayımlanan multfilmlərin böyük əksəriyyəti qanlı-qırğınlı, ölüb-öldürməkl
i, partlayışlı, aqressiv planlı, təbiətdə analoqu olmayan qorxunc - ən yaxşı halda ifadəsiz sifətli naməlum personajların bol olduğu “ujas” filmləridir. Bu multfilmlər uşaq psixologiyasına olduqca böyük zərər verir. 
Nəticələr ağırdır. Bugünkü uşaqların çoxu aqressiv, çətin tərbiyə olunan, psixoloji problemlərlə yüklənmiş uşaqlardır. Sizə çox ağır konkret fakt da deyə bilərəm- bir neçə ay əvvəl həmkarlarımızdan birinin 5 yaşlı qardaşı oğlu qəfildən psixi xəstəliyə düçar olub. Bütün günü qışqırır, qorxur, ağlayır, oranı-buranı dağıdır, başını divara çırpır, yemək yemir, yatmır və s.

22.04.2013

“Azərbaycanlı yazıçının əsərini oxuyunca belorus qızı ilə yazışmaq yaxşıdı”

Tanınmış blogger İbrahim Sel ilə müsahibə

“Ədəbiyyat xalqların başqatdısı üçün istifadə edilən kultdur”

-Ədəbiyyatın cəmiyyətdəki rolu barədə nə deyə bilərsiniz?
-Ədəbiyyat 300 min il qabaq kahinlər tərəfindən yaradıldı. Bu əslində düşünülmüş şəkildə insanlığa yeridilən, xalqların başqatdısı üçün istifadə edilən kultdur. Ədəbiyyat xristianlıq, islam, iudaizm, buddizmdəm sonra beşinci dindir, xalq üçün əsl tiryək də elə odur. Əhalini əsas məsələlərdən yayındırmaq üçün bundan gözəl vasitə ola bilməzdi. Reallıqla heç bir əlaqəsi olmayan özəlliklərə inandırmaq üçün düşünülüb. Kütləşdirmək və əsas məsələlərdən kənarda saxlamaq! Ədəbiyyat əslində azdıran, yayındıran məşğuliyyət sahəsidir.


100 min manatı necə qazandım?

Lalə Mehralı

Saf, sadəlövh insanların yaşadığı ölkələr fırıldaqçılıq üçün ən uyğun mühit hesab edilir,  aldanma ehtimalı səmimi, sadəlövh insanlar arasında daha çox rastlanır.  Teknikanın, elmin inkişafı indi aldatmanı real yox, virtual müstəvilərə daşıyıb, kibercinayətkarlar həmişə iş başındadır.
Bu sətirləri oxuyanlar yüz faiz təsdiqləyəcək, bir çoxunuzun e-mail ünvanına hər gün uduşlu lotereya barədə mesajlar gəlir, sizin külli miqdarda pul udduğunuzu iddia edirlər. Pulu udmağınızı da ya sizin e-mail ünvanınızın virtual müsabiqədə qalib olması, ya da e-mail ünvanınıza gələn spamı tıklamaqla özünüzü bilmədən beynəlxalq lotereya oyununa əlavə etməyinizlə əlaqələndirirlər.

Təbrizin yolları dolanbadolan...

Arzu Abdulla

Bu, İran İslam Respublikasına üçüncü səfərim idi. Bir çox həmvətənlərim kimi mən də qonşu ölkəyə səyahətə deyil, müalicəyə getmişdim. Cümə İranda bazar günü olduğu üçün xəstəxanalar işləmir. Amma Təbrizdəki Behbud klinikası bütün günlərdə açıq olur və xəstələri qəbul edir. Bazar və bayram günləri də daxil olmaqla səhər saat 8-dən axşam gecə saat 2-yə qədər fəaliyyət göstərir. Səbəb xaricdən, xüsusən Azərbaycandan gələnlərin daha çox bu klinikaya üz tutmasıdır. Adıçəkilən klinika digərlərindən fərqli, bütün tibbi xidmətləri göstərir.
Eyni zamanda buradakı bütün həkimlər azəri türkcəsində danışırlar. Bu isə Azərbaycandan şəfa tapmağa gedən həmyerlilərimizi özünə cəlb edir.

Günün fotosu

Xosrov Barışan - Azad gəzən bulud mənəm

Göylərdə uçan pambığam.
Gah qarayam, gah da ağam.
Qara olsam gərək yağam.
Bildin nəyəm ay bir dənəm?
Azad gəzən bulud mənəm.

Göy üzündəki buxaram.
Göydən yerə mən yağaram.
Yazda yağış, qışda qaram.
Göydən yerə ensəm; çənəm.
Azad gəzən bulud mənəm.

Yel məni yavaş uçudar.
Çox gəzərəm diyar-diyar.
Görən məni qəm unudar.
Gördüm sizi şadam, şənəm.
Azad gəzən bulud mənəm.