Fatmanisə təfəkkürlülər

Ancaq bizdə oxuyun!

Sofiya Sadıqlı Azərbaycan şor-biznesindən yazdı!

Günayı geri qaytaracaqmışlar...

Aman Rəbbim, bu nə işdir başımıza gəlib? Heç bilirsiz nolub? Az qala Günay Musayevanı toyxananın kandarından geri qaytaracaqmışlar. Əşi, ürəyinizə gələn deyil. Eh, bu yengə-mengə hesabatından daha dəhşətli imiş. İndi deyim, siz də dinləyin. Deməli, Azərbaycanı bütün dünyada biknisi ilə təmsil edən və Türkiyədə yaşayan modelimiz Günay Musayeva türkiyənin məşhur aktyorlarından olan Tolqa Korellə ailə qurub. Xoşbəxt olsunlar, lap yaxşı. Amma bu yaxşının pis tərəfi də olub axı. Sən demə, türkiyəli yeznəmiz, elə türk qardaşlarımızın dilindən desək, damədimiz yaman qısqanc imiş. İndi nolsun ki, hazırda halal-hümmət arvadı olan Günay xanım bikni, yəni alt tumanı müsabiqələrində iştirak edir, üst paltarını soyunur, alt paltarını da bir az aşağı çəkib şəkillər çəkdirir. Bütün bunlar sənətdir, sənətkarlıqdır, yeni dünya düzənində. Odur ki, damədimiz bu tip hallara “əhsən” deyir. Amma Günayın manıs Elnurla çəkilmiş toy fotoları dünyanı qarışdırıb. Mahnılarından çox “Hammer”i ilə məşhurlaşan, gözünün birini qıyıb, birini geniş açan Elnur bəy paıtarında, Günay da gəlinlik donunda xeyli poza vermişdi axı. Yəqin xatırlayırsız, yerli jurnallardan biri də bu şəkillərdən ibarət fotosesiyanı ölkədə yaymışdı. Vəssalam. Türkiyədə Günay Musayevanın müğənni Elnurla evli olduğunu düşünüblər.

Azərbaycanlı model isə bunun yalnız bir fotosessiya olduğunu sübut etmək üçün Azərbaycan konsulluğundan subay olması barədə arayış almalı olub. Bax indi di get, ağlın yerinə gəlsin Günay! Bundan sonra harda gəldi, kiminlə gəldi dombalıb şəkil çəkdirəndə bir az da gələcəyini düşün.

Anar qadınlarımızı bəzəyəcək

Deyir qadın kişi gözü, kişi zövqü ilə paltar seçəndə daha maraqlı görünür. Amma KİŞİNİN. İndi Azərbaycan telekanallarında bir adət formalaşıb. Deməli, cinsi bilinməyən canlılar qadınlarımızı geyindirirlər, stlistlik edirlər. Amma ha baxırsan bu stlistin qadın ya kişi olduğunu ayırd edə bilmirsən. Stlist adlandırılan və daim telekanllardakı şou verilişlərindən boylanıb qadınlarımıza geyimlə bağlı məsləhət verən Anar Ağakişiyev, Samir Əliyev, Balaş da elə o qadınlar kimi nazik alınmış qaşlarda, boyanmış yanaqlarda, uzun, ukladkalı saçlarda görüntülənirsə o zaman onların cinsini necə ayırd etmək olar. Bəlkə siz kömək edəsiniz!

İndi Anar qadınlarımızı payıza “hazırlayır”. Guya bu deməsə camaat day bilmir ki, əyninə nə geyəcək.

Verdiyi sonuncu müsahibəsində Anar deyib ki, bu mövsümün əsas rəngi çəhrayı olacaq (Nə yaxşı ki, mavi olmayıb). İndi görün, bunu sayt necə təqdim edir: “Stilist bildirib ki, iri daşlardan düzəldilmiş aksesuarlarla yanaşı, qızıl və gümüş zinət əşyaları da dəbə minəcək”. Gülməlidir, guya Anar deməsə, bizim Fatmanisələr elə qızıldan, gümüşdən əl çəkəcəkdilər. Axı qızıl, gümüş nə vaxt dəbdən düşüb ki?

Offf… Yaxşı ki, hələ müğənni Samir Bağırovun yaxın dostu və adaşı Samir Əliyevdən dəblə bağlı açıqlama almayıblar. Yoxsa, Syomiçka (Samir Əliyev) bizim qadınları da Samir Bağırovun gününə qoyar. Amma məncə, qadınlarımız daha çox qadın kimi görünər. Hərəkətlərini də oxşada bilsələr, bəh, bəh əsl qadın obrazı yaranar. Qaldı Samir Bağırovun iri dodaqlarına və iri döşlərinə, buna da əlac var. İndi hər tində silikon qoyan həkimlər peyda olub. Buyurun!  

Faiqi də sevmək olarmış…

Sən demə, müğənni Faiq Ağayev bərk gedirmiş. Yəni toya 14 minə təşrif buyururmuş. İndi Faiq qaragünlü məmləkətimizdə ən baha toy manısıdır. Brilyant Dadaşova ondan sonradır. Təsəvvür edin də, onsuzda Faiqdən zəhləsi gedən Brliyant indi yanıb tkülür. Çünki manıslıq yarışmasında Faiq onu ötüb. Brliyantın qiyməti 10 minə düşüb. AST Telmanın nəvəsinin ad günündə Şakira üçün oxuyan Abbas Bağırovun da atının alnına gün doğub e, nənəm demiş. İndi Abbas da 10 000-ə gedir.

Makiyajı, əndrəbadi mimikası ilə eyniylə hind filimlərindəki gənc hind oğlanlarını xatırladan Nazpəri Dostəliyeva özünü nə kökə salır salsın, xeyri yoxdur, qiyməti düşüb. Indi o, 8 minə gedir.

Dağıl a dünya, sən demə, hələ də Nüşabə Ələsgərli adlı manısı toyuna gətirib oxutmaq üçün 5 minindən keçənlər var imiş. Hələ Rəqsanəni demirəm. Rəqsanəyə 4500 verənlər var imiş.

Deyirəm də, bu millətin dərdi məni öldürəcək. Bu ölkədə heç vaxt şorla yağın fərqini bilməyiblər. Gülüstan Əliyevanı toya 3500-ə aparırlar. Guya Gülüstan Rəqsanə qədər də deyil. Yəqin Rəqsanə oxumaqdan əlavə hələ stripitiz də göstərir. Amma məncə, bunun üçün toy yiyəsi və toya gələnlər Rəqsanəyə deyil, Rəqsanə onlara qonarar ödəməlidir. Toy siyahısını təqdim edənlər deyir ki, guya bu ölkədə hələ də  Röyanın yarım saat toyda oxumasına 4500-5 000 manat verənlər var. Dağıl a dünya, indi gedib bu axmağa desən ki, 100 manat ver Məmməd gedib Fransada oxuyub gəlsin canı çıxar e verməz.

Roza Zərgərli Rusiyadan əl çəkdi

Qollarını və tumanının ətəyini çirmayıb Rusiya estradasını fəth etməyə hazırlaşan manısımız Roza Zərgərli nə eşidib, nə görübsə, ağlını yığıb başına, gəlib oturub evində. Evində oturan Roza indi də doğmaq eşqinə düşüb. Bax buna deyərəm ağıllı ideya. Ay Roza sən bilirsən ki, bacarığın nədir, qabliyyətin nəyə çatır, onun da arxasınca qaç da. Yoxsa, Rusiya estradası, nə bilim nə.

Roza deyir ki, bir qızım var, indi də istəyirəm bir oğlum olsun. Bax ha, əsl Fatmanisə təfəkkürüdür e. O, dünyaya gətirmək istədiyi övladına ad da seçib: “Əgər oğlum olsa, adını Məhəmməd Əli, qızım dünyaya gələrsə, Laura qoyacağam. Laura çox gözəl addır - anam mənə belə ad qoymaq istəyirdi. Amma atamın istəyi ilə mənə Roza adı verdilər”. Hiss olunur ki, Roza Zərgərli dəhşət serial həvəskarıdır. Laura ağlına ordan gəlib. Məhəmmədə gəlincə, bu da bir dəb düşüb. Tumanlarının ətəyini başlarına qaldırıb poza verib, şouxanada məşhurlaşanların çoxu sonda övladına dini adlar qoyurlar, Röya, Xuraman da dini adları seçdilər.

Namiq Qaraçuxurlu kişiləndi

Şouxanamızın igidi, Aygün Kazımovanın göz açıban gördüyü, könül verib sevdiyi, meyxanamızın simvolu Namiq Qaraçuxurlu quracağı üçüncü ailə həyatı haqqında xeyli məlumatlar verib. O, deyib ki, heç zaman gələcək xanımının hesabına özünü reklam etməyəcək. Aaa, heç yeridir, ay Namiq, sən onsuzda arxada qoyduğun xanımın Aygün Kazımovanın hesabına özünü xeyli reklam etmisən də.

Onu da deyim ki, bu Namiq çox haqbilməz adam imiş. O gün görün, nə deyir e, “Elə yorulmuşam, o qədər qeyri-səmimi insanlarla qarşılaşmışam ki”.

Aygünə heç vaxt mahnı bəstələmədiyinə and içən manıs-meyxanaçı “mahnı bəstələyəndə çalışıram ki, sözləri kimsəyə həsr olunmasın. Buna görə də yazır və silirəm. İndi də yazdığım və bəstələdiyim mahnılar Aygün Kazımovaya aid deyil. Bu səbəbdən də yeni mahnının adını dəyişərək “Əlvida dərdim, əlvida” qoydum” deyib. A.Kazımova da sağ olsun yaxşıca verib Namiqin payını və deyib ki, Namiq Qaraçuxurlu başqasının hesabına yaşayır. Guya bu söz də Namiqi hirsləndirib və o, Aygünü hədələyib: “Bununla bağlı ümumi dostlarımıza zəng vurdum və onlar dedilər ki, həmin sözlər zarafatdır. Amma bunu Aygün xanım ciddi deyibsə, daha mənim sözüm yoxdur. Hələlik hər şeyə dözürəm. Amma ona demək istərdim ki, adamların sonradan gülməməsi üçün hər şeyi efirdə belə təqdim etmək olmaz. Belə ucuz reklama ehtiyacım yoxdur. Amma son vaxtlar evlənməklə bağlı tez-tez fikirləşirəm. Seçdiym var və o da bunu bilir. Yalnız onu deyə bilərəm ki, əvvəl istədiyim qızlarla müqayisədə indi ona daha bərk vurulmuşam”. Deyirəm e, beləsi haqqında deyiblər də, dəvə başını kola soxdu elə bildi ki, onu heç kim görmür.

Sofya Sadıqlı