Türkiyənin cənub-şərq bölgəsindəki Şırnak vilayətinin Cudi dağında PKK terror təşkilatına qarşı keçirilən hərbi əməliyyatlarda 27 nəfəri ölü olmaqla 32 terrorçu ələ keçirilib. Bu barədə məlumatı verən Şırnak valisi bölgədə 18 dekabrdan bəri ikimərhələli əməliyyat keçirildiyini deyib.
Vali terrorçuların üstündən bəzi cinayətlərə aid məlumatlar çıxdığını, bu sayədə bir çox gizli qalmış qətl hadisələrinin üstünün açılacağını deyib.
Qeyd edək ki, əməliyyatlarda PKK terror təşkilatının məsul şəxslərindən Aktaran da ələ keçirilib. Ayaq izi təqib edilərək mağarada tapılan Aktaran hərbçilərin “Təslim ol!” xəbərdarlığına atəş açaraq cavab verib və baş vermiş atışmada öldürülüb. Aktaranın cibindən 2 saxta şəxsiyyət vəsiqəsi və 10 000 lirə (təxminən 5 000 manat) pul tapılıb.
Комментариев нет:
Отправить комментарий