Odda doğuş

Xosrov Barışan

YAŞAYIŞ

Çeşit-çeşit

  Doğuldum baxışında,
         Yaşadım gözlərində...

Sadəcə

 Qocaldım baxışımda,
         Öldüm gözlərimdə... 

ODDA DOĞUŞ

Mən səni

 Gözlərimin yağmurunda yumuşam.

Ürəyin

  Sarsıntılı tərpəmində

     Sənfonivi dinləmişəm.

Ahımın aylasında,

  Dodağımın çövrəsində

                  Rəsm etmişəm.
Uşaqlığın

   ((Qalx ayağa qalx,
              Kimi sevirsən

                 Al yanıva bax...))

                           Oyununun hay-küyündə

                                         Hiss etmişəm.

Sevgilərin magmasında,

  Duyğuların püsgürüşündə

                            Yanmışam,

                              Kül olmayıb doğulmuşam.

KƏSSƏK

Sevgi hasili becədən

 Sevda adlı tarlanın toprağını

                Əllərində bəhanənin

                  Kəssəyə day döndərmə,

                        Vurma ayrılıq daşına.

Sovrulacaq...

ŞƏFA OTU

Buraxsa bu dərd məni;

Sənin üçün

 Dağlara dırmaşaraq,

                        Aşaraq

                        Cızan, yaran

                                Qayaları

                                     Boğan

                                      Duman gədikləri

                                         Şəfa verən o otu

                                                  Dərəcəyəm.

Tuxumların

      Tapşıralı

       Sunacağam əsən yelə

                         Püfləyərək...

Bəlkə bir gün gələ ki

                            Bitə...

                             Hər yerdə bitə

                                              Əlaclı ot

                              Alçaq, ucaya baxmayaraq.

Özü haqqında: Xosrov Solh Konəndə Sərdəri 1983-üncü  ildə Təbriz şəhərində dünyaya göz açdı. Onun şeirlərinin çoxu sərbəst, iki beytli, qəzəl qalıbındadırlar. Ancaq şair hər üç qalıbda da yenilik yaratmağa çalışır. Xosrov öz təxəllüs adını Barışan seçibdir. Bu ad öz soy adının Türkcə anlamıdır. O bilimyurdunda oxuyan illərdə Aşina adlı derginin ədəbi başyazarlığını  üstələnmişdi. Ayrica iki şeir özəl sayısı dərgisinin (Şəm-i xəyal adlı) başyazarlığını da üstələnmişdi. Şeirdən əlavə, Barışan hekayə yazmağa da maraqlı birisidir. Elektron ünvanı: barishan1983@yahoo.com, barisan@box.az