Latviyada qadınlar kişi tapa bilmir

İngiltərənin məşhur mətbuat orqanı “BBC” Latviyada qadınların sovetlərin çökməsindən sonra kapitalizmə daha yaxşı uyğunlaşdığını yazıb.
Bu ölkədə qadınların təhsil səviyyəsi daha yüksəkdir və onlar daha uzun ömürlüdürlər. Kişilərin doğum faizi qadınlara nisbətən daha çoxdur, ancaq qadınlar kişilərə nisbətən 11 il daha çox yaşayırlar. Bu da yetkin qadın faizinin kişilərə nisbətən 8 faiz çox olmasına səbəb olur.
Litva universitetinin sosioloqu Bayba Bela tələbə qızların sayının kişilərə nisbətən 50 faiz daha çox olduğunu deyib. Bu da qadınların özlərinə uyğun təhsil səviyyəsi olan kişilər tapmasında problemlər yaradır. Latviyada 30-40 yaşlı qadınlar özlərinə uyğun kişi tapmaqda çətinlik çəkirlər.