Gənc yazarın Qarabağ mövzusunda fərqli romanı çap olundu

“Qaratoyuq nəğməsi”ndə müharibəyə fərqli baxış nümayiş olunub

Gənc yazar Sərdar Aminin hələ başlamayan II Qarabağ müharibəsinə həsr olunan “Qaratoyuq nəğməsi” adlı kitabı işıq üzü görüb. Romanda müharibənin acıları humanist bir gəncin taleyi üzərində göstərilib. Müharibəyə nifrətlə qələmə alınan romanda Azərbaycan-Ermənistan konfiliktəinin davam etməsinə səbəb olan saxta nifrət, çürük steriotiplər, boğazdanyuxarı vətənpərvərlik uydurmaları real səhnələrlə ifşa edilir.  
“Qaratoyuq nəğməsi”ndə müharibə zamanı ön və arxa cəbhədə vuruşan, eyni zamanda arxa cəbhədən də arxada qalan insanların taleyləri təsvir olunub.

Kitabın üz və arxa qapaqlarının dizaynında da “Mühatibə və insan, “Azərbaycan-Ermənistan münaqişəsi”nindən bəhs edən maraqlı təsvirlər yer alıb. Arxa qapaqdakı məğrib səhnəsində hər iki ölkənin bayraq rənglərilə yazılan yazı batmaqda olan günəşin şəfəqlərində əks olunub. Yaranan mənzərə həm də əsərin baş qəhrəmanın adını xatırladır ki, bu da insan məhvinə səbəb olan hər şeyin - stereotiplərin, milliyətçiliyin,  hətta, bəzi dəyərlərin də iflasa məhkumluğunu göstərir.
“Qanun” nəşriyyatında çapdan çıxan roman “Əli və Nino” kitab dükanında şatışdadır.