Qədəh və Adam

Aytən Nəsibbəyli

Köhnəlmiş bir şərab misali
azadlığın dadı.
Vaxtında adam kimi içməyi
bacarsaydıq əgər,
əgər bacarsaydıq,
sərxoş olmaq ayıb olmazdı bu ölkədə.

Düşün nə qədər yaxındı sənə
əslində bu qədər uzaq bildiyin.
Yoxsa içindəki uşağa ağlayacaq qədər
yazıqmısan hələ?
Bumusan hələ?


Hələ çəkə bilmirsənmi o qədəhi başına?
Qədəhmi böyükdür, sənmi, Adam?
Gəl adam kimi sərxoş olaq.
Bu gecə
çək qədəhləri başına
çək sərhədləri kənara.
Iç, iç,
Qədəh də böyükdür, biz də, Adam!
İnan, inan sən
Qədəh yalan satmaz sərxoşa, Adam!