Şer şəhərdir

Ramin Cahangirzadə

Şer qatardır
Gözlərindən çıxır
Çığır…
Çığır…
Dayanmasın səsin
Çılxa yola düşməsin qatar

Şer gəmidir
Saçlarında üzür
Çığır…
Çığır…
Saçlarında batmasın səsin
Çalxalansın gəminin içində

Şer almadır
Köynəyinin altında gizlənir

Çığır…
Çığır…
Yatmasın səsin
Könəyini yırtıb oyansın

Şer qızıl güldür
Meşəlikdə uyuyur
Çığır…
Çığır…
Çiçəklənsin meşəlikdə
Qonsun səsinə Kəpənəklər

Şer şəhərdir
Şübhəli küçələrində
Gəzirəm səni
Bu şəhərdə
Nə qatar var
Nə gəmi
Nə alma
Nə də qızıl gül
Bu şəhər boş qalmasın
Bu şəhərə dolsun səsin