![](https://blogger.googleusercontent.com/img/b/R29vZ2xl/AVvXsEijozkN0nEGUJxb7XyBV-_OEMyjM3TYzS10cuZ0X74aEyNuxK1KRIEMvdcIjK-HxSdIlmejd_V6lCud8XcqoxpAWmq_sQXO2s55lV9gCKEUOZUOYQ43MtxRVKObCaqw_gEP87KWsHCx4AbT/s1600/I_ugMgPiLV8.jpg)
![](https://blogger.googleusercontent.com/img/b/R29vZ2xl/AVvXsEijcqlZt5MSwt5xml1AJ7Q_zyYAojyQFQTgMPep2PVidGp1V5xZhs5OGEAkEx1wc-oBEqUAYlLnWlQPWci7tFLQwCket7w4fbB0FJTknKl0aacM455efeA0Fp8nbYnXMFpcn3Wn_EHcJHOU/s1600/944302_1376292579282443_1425531494_n.jpg)
Bu dünyaya bağlıdır ibtidamız da, intəhamız da.
Ölüm haqdır, sən ölümdən öncə yaşa həyatda,
Mənasız keçən günlərin- sənin itirdiklərin.
Ömür çox tez başa vurar həyat yolunu,
Boş-boş əyləncələrə hədər etmə ömrünü.
Ötəri ləzzət üçün heçə vermə gününü,
Hədər olan zamanın- sənin itirdiklərin.
Nəfs əyləncə, sevinc istər, nəticəsi pis olar,
Həvəsin, nəfsin istəyi sonda rəzalət olar.
Ürək gülmək istəyər, ağlayan ağıl olar,
Gedən təmkin, vüqarın- sənin itirdiklərin.
Çox nəşədən qəm, xumarından dəm yaranar,
Səndə olmaz iradə, çox kobudluq yaranar.
İçkinin nəşəsi yaraşmayan iş yaradar,
Əldən gedən sərvətin- sənin itirdiklərin.
Dilə girov baş özüdür (A.sözü) ,susmağı öyrən,
Çox zarafat dost itirər, həddini öyrən.
Dosta minnət qoyma, yaxşılıq öyrən,
İncitdiyin dostların- sənin itirdiklərin.
Məhəbbətsiz bu dünyanın nəşəsi yoxdur,
Eşqi duymursa insan ürəyi yoxdur.
Qiymətini bilməsən, sevdiyin yoxdur,
Odu sönmüş ürəyin- sənin itirdiklərin.
Şeytanın əməlindən çoxu qaça bilməmiş,
Hər fürsətdə tovlar bizi, gözümüzü açmamış.
Əl çək yanlış əməldən, peşmanlıqdan ölməmiş,
Əldən gedən imanın- sənin itirdiklərin.
Qocalarsan ömür bitər, gəncliyin dönməz geri,
İtirdiyin zamanı fələk bir də verməz geri.
Etibar bu kəlamı unutma, təkrar elə:
Gülərək itirdiklərin, ağlasan da dönməz geri.
Комментариев нет:
Отправить комментарий