Məncə, azlıqda qalmaq insanı nə məşhur edir, nə də ona əzab verir. Əgər kimsə məni irqçi, homoseksuallara nifrət edən və ya kürd düşməni adlandırsa, mən bunları vecimə almayacam. Tolerantlıq mənlik deyil, tüpürüm tolerantlığa. Mənim işlədiyim saytların da öz spesifikasl var. Aygün Nazpəriyevanın tualet ləvazimatını necə istifadə etməsi oxucu üçün maraqlı deyil, oxucu üçün o maraqlıdır ki, İsrail oğurladığı neftin pulunu nə vaxt verəcək? Mən müstəqillik bayramını qeyd etmirəm, bunu köləlik günü adlandırıram, həmin mövzuya dair çoxlu demotivatorlar paylaşmışam. Türkiyə şirkətlərinin Bakıdan qovulmasını tələb edirəm, ölkədə yayılan bir çox xəstəliklərin məhz onların qida məhsullarından gəldiyini dəqiq bilirəm. Qeyri-dəqiq fikir söylədikdə və ya hərəkət etdikdə özümü təmizə çıxarmaq üçün “mən bunu o uşaqlara deyirdim” kimi üzrxahlıq etməyəcəm. Deyirəm türklər ölkədən qovulmalıdır, bəzi geridəqalmışlar deyir ki, dəqiqləşdir, osmanlı türkü de! Yox, biz gəlin azərbaycanlı olaq, osmanlı təcavüzündən sonra artıq heç kəs türk olmaq istəmir, məhz bu cür qeyri-dəqiqlik Azərbaycanı batırdı. Çox istəyirəm ki, tv-dən qaçqınlar qovulsun, şou-biznesi onlar başına götürüb, ayıbdır. Horadizdə tank sürməli olan qərbli tv-də pozğunluğu təbliğ edir. Onu da bilirəm ki, Makdonaldz restoranlarında hazırlanmış yeməyi itə atsan it yeməz. Gəlin bir dəfə prob edək, ordan pitsa alıb itə tullayaq. Gəlin bir dəfə kola alaq, onunla paslanmış dəmiri yuyaq, görək doğrudanmı pası aparacaq? İmkanım olsaydı Şah İsmayılı yenidən dirildərdim, Bakını vahhabilərdən təmizləyərdi və biz də bunun şərəfinə atəşfəşanlıq edərdik.
Sən demə, bu məmləkətdə vətənpərvər görünmək üçün hökmən nurçu-türkçü fikirlər səsləndirmək lazımmış. Əks təqdirdə səni ya fars agenti, ya da erməni kimi təqdim etməyə çalışacaqlar. Ümumiyyətlə, başqa sözə nə ehtiyac var? Məgər mənim alnım və üz cizgilərim özü kimliyim haqda kifayət qədər xəbər vermirmi? Antropologiyadan başınız çıxmırsa, ona biz neyləyək? Hətta əgər kimsə durub məni sabah yenə İran, ya erməni agenti kimi qələmə verməyə çalışsa, onda təkcə ruhumun həqiqətsevər əksi olan simam, uzun söhbətə ehtiyac qalmadan o məlunların yalanlarını ortaya çıxaracaqdır. Varlığımda riya yoxdur, heç ürəyimdə olmayanları alnımda təcəssüm etdirməyə cəhd də eləməmişəm. Həmişə və hər yerdə dəyişməzəm. Ancaq minnətdar olduğum şeylərdən yazıram. Bu müdrik donuna girib onun titullarını mənimsəməyə çalışanlar, bu al-qırmızı bakılı geyimi ilə bəzənmiş əyalətçilər, bu şir dərisi altında lovğalanan eşşəklər, bu ölkəmizi xaricdə öz aləmlərində təmsil, əslində biabır edən qərblilər, nə qədər istəsələr də məni ləkələyə bilməzlər. Ha çalışsınlar, min bir hoqqabazlıq etsinlər, onsuz da qədim yunan əsatiri Midasın qulaqları onu ələ verdiyi kimi, onların da oyunlarının üstü əvvəl-axır açılıacaq. İudeylər mənə heç nə edə bilməzlər, narahat olmayın, mən onlara qarşı böyük immun sistemim formalaşdırmışam. Zaratustra bizə kömək olacaq.
Mən ki hər cür saxta niklərdən istifadə etməkdən çəkindim, bu azdır dedim, bir də qüsurları üstüörtülü tənələrlə mühakimə etmək üslubumu da bacardıqca məhdudlaşdırdım, başqaları kimi simvollarla danışmadım, birbaşa mətləbə vurdum. Hamısı onun üçün ki, təbiət tərəfindən arifliklə mükafatlandırılmış oxucu dərhal bunu anlasın. İroniyalarımda isə mən qəlb incitmək məqsədilə istehzaya deyil, sadəcə zərərsiz, yüngül gülüşə can atıram. Kodeksə riayət edirik, statuslarımızda təhqir və şantaja yol vermirik, məcəlləni pozmuruq, maddəyə düşmürük. Pərdəarxası sirləri açıb, xalqa soxuşdurulmuş saxta dəyərlərin iç üzünü göstərib, yalançı idolların maskalarını yırtıb, sonra onları hədsiz məmnunluqla tamaşaya qoymaq mənim aləmimdə gülüşdən daha çox çirkinliyi ifadə edir. Bütün bu paylaşdıqlarım yenə də bir para kəsləri razı salmırsa, təvəqqe edirəm su içsinlər, əsəbləşməsinlər, əsəb neyronları bir daha bərpa olmurlar. Ən yaxşı hal mışkanı bir az tərpətməklə məni dostluqdan silməkdir. Onsuz da mənə çoxlu oxucu lazım deyil, özüm kimi 5-6 ari süvarisi olsa bəsdir. Bununla belə, bütün bu uzun arayışlı söhbətləri sənin kimi mahiranə feysbuk istifadəçisinə danışıb, dəyərli vaxtını almağın mənası varmı, heç özüm də bilmirəm. Hər halda deməliyəm ki, bir az yüngülləşim, çünki son zamanlar doğrudan da feysbukun ab-havasında nəsə gərginlik yaşanır. Son dəyişikliklərlə əlaqədar hamının əsəbləri tarıma çəkilib.
bütün umudsuzluqları bir qaya üstündən atdım dənizə
qağayılarla qanad-qanada uçdum uçdum
uzaq limanlara üzən bir gəminin havasına
gəmi üzüb getdi mən burda qaldım
bir səs gəldi hardasa çox uzaqdan
bəlkə uşaqlığımdan bəlkə də ürəyimdən
dalğalandı birdən birə gözlərimin məxməri
uzaq limanlara üzən bir gəminin havasına
daha bel bağlamıram mən ömrün vəfasına
Adil Mirseyid
Xalqı öyrətmək çətindir. Müqəddəs yazını postmodernləşmiş kütlə üçün şərh etmək sxolastikdir. Bakılı şair üçün qərb bölgəsindən olan şairdən fərqli olaraq göz yazı axıtmaq yaxşı deyil və arvadcasınadır. Bakı ta qədimdən ari kişilərinin- qədeşlərin vətəni olub, hansı ki tarixin atası Herodot onları kadusi adlandırır. Başa salmaq olmur ki, öz müqəddəs ayaqlarını öpməyə hökmdarları belə yaxına buraxmayan bu adamlar üçün məğlub olmaq biabırçılıqdır və nalayiqdir. Onlar torpağı qoyub qaçmazdı. Başa salmaq olmur ki, türk dünyasının ən yüksək döyüş qabiliyyətinə malik olan kontingenti məhz cənubi azərbaycanlılardır. Başa salmaq olmur ki, müxalifət hakimiyyətin klounlarıdır. Bu cür fikirləri səsləndirəndə əlbəttə qəzəbli ildırımlarla qarşılaşırıq. Qədim miflərdə Seçilmişlər ildırımların köməyilə, iblis tərəfindən yoldan çıxarılaraq xalqın var-dövlətini əskiltmək və talamaq istəyənlərə zərbə endirirlər, indi isə əksinə, biz Seçilmişlərin öz başına çaxılır. Bizə qarşı olanların içində cavanlıq hərarəti ilə ilhamlanan müxalifətin torpedalarına, kənddən dünən gəlib, siyasi arenaya çıxmaq üçün türkçülükdən başqa heç nə tapmayan dayazlara, bütün insani işləri tərsinə çevirməyə proqramlaşdırılmış genetikası zay postmodernistlər üstünlük təşkil edir. Xalq maaşının 2 min dollara qaldırılmasını istəyir, bunlarsa hansısa mücərrəd azadlıq və dermokratiya istəyir! Xalq konkret olaraq bank sələminə son qoyulmasını istəyir, bunlarsa hansısa anlaşılmaz insan hüquqlarından dəm vurur! İudey klanının hansısa agentinə vətənpərvər deyirlər, nədi-nədi o bir “Sakarya” şeiri əzbərləyib, bunlarçün təsirli şəkildə oxuyub. Həmin o saqqallı agenti özlərinə idol ediblər. Biz belələri ilə hansı dildə danışmalıyıq?! Biz badəhətən şeir bilmirik, Sakaryalıq deyil bizki! İndi təsəvvür edin, belə tupoy çoxluğa ancaq bizdə rast gəlinir.
İnanmıram ki, kimsə düşüncəli şəxs Ququş, Mahsa Marjan kimi ari musiqiçilərini qoyub bizim tükəzbanları, nazpəriləri dinləsin. Axı Sovetlər dağılandan bizdə unudulub ki, musiqi ruh sakitçiliyi verməlidir, hay-küy yox! Mənim babam, 416-cı Taqanroq atıcı diviziyasının top komandiri olmuş Əsəd Həsənovun sevimli mahnısı, qulaq asarkən riqqətə gəldiyi, göz yaşlarını saxlaya bilmədiyi mahnı rusların “Katyuşa” mahnısı idi. Mənə elə gəlir, çatda belorus qızı ilə yazışmaqla siz daha çox savad yiyəsi olarsız, nəinki azərbaycanlı yazıçıların əsərlərini oxumaqla! Ən çox sevdiyim tarixi şəxsiyyət Stalindir, mən deyəndə o öləndə 2 milyon adam intihar edib, çoxları niyə, bu hardan çıxdı, Stalinə görəmi və sair bu kimi suallar yağdırırlar, çaş-baş qalırlar, əsəbləşirlər, reaksiya verirlər, görünən odur ki, Stalin kultu bizdə düzgün başa düşülməyib. Avrasiya Birliyi yaranandan sonra şounu kim ekranlardan yığışdırsa, onu sevəcəm, inanıram ki, 6 ildən çoxdur baxmadığım Azərbaycan kanallarına bir də baxacam. Məncə, Suriyada Bəşər Əsədə qarşı yox, İsraildə Netanyaxuya qarşı vuruşmaq bəşəriyyətə daha çox xeyir verərdi. Ari millətçiləri ilə çoxlu diskussiyalarım olur, aborigen xalqları türklərin yox, iudeylərin genosid etdiyini çatdırıram, kürdləri ari hesab edən ziyalılarına yazıqlığım gəlmir. Boksun beyni işə salan, düşündürən idman növü olduğunu vurğulayıram, gənclərə Hitlerin öz millətinə niyə məhz boksu vəsiyyət etdiyinin səbəblərini anlatmağa çalışıram. Məncə, dünyanın axırı haqda hərdən peyda olan xəbərlər İsrail laboratoriyalarında hazırlanan dezidən başqa bir şey deyil, yəni onlar nefti rahatca oğurlayıb daşısın, bizsə əlimizi üzək, deyək onsuz da dünyanın axırıdır, qırğına çıxmağın nə mənası var?! Torpedalar, təmiz qanlı türkəm, erməni kəşfiyyatı ilə əlaqəm yoxdur, öz ölkəmi sizdən az sevmirəm, ona görə də xahiş eləyirəm soxun yerinizə! Yalançı müxalifətin mitinqlərinə çıxanlar məni hələ də güldürür. Mənim hesabıma görə, dünyanı gəzib görsəniz, millətlər arasındakı fərqi anlasanız, hökmən ari qadınlara heyran da qalmalısınız. Nəzərinizə bir daha çatdırıram ki, bizim liberallar ən qatı düşməndən də təhlükəlidirlər, uzaq durun. Bilmək istəyirəm ki, hansı dövlət başçısı Putin qədər dəqiq işləyir. Məncə, qəhqəhə çəkib gülmək cındırlıqdı. Amma müxalifət publisistlərinin köşə yazılarını oxuyanda mənim ayağımdakı tapoçkaları da hırıldamaq tutur, bilmək istəyirlər, niyə onlar əsas məsələlərdən yazmırlar, həmişə 10-cu dərəcəli məsələlərdən yazırlar. Kürd oğlu tv-yə çıxıb türkçülükdən danışanda 6-cı hissimlə başa düşürəm ki, axırımız heç də yaxşı olmayacaq. Biriniz mənə izah edin, niyə kürdlər Bakıya doluşan kimi tramvay xətlərini yığışdırdılar? Niyə bu ölkədə yerli din olan şiəliyin təbliği terrorizm sayılır, amma vahhabiliyin təbliği tolerantlıq?! Niyə hökmən vətənpərvər görünmək üçün nurçu-türkçü fikirlər səsləndirməlisən? Boynuma alıram ki, Mehdinin zühuru haqda Duqinin fikirlərini oxuyarkən məni qəhər boğmuşdu. Bir də bilirsiz nə ləzzət elədi? Şiə döyüşçüləri Suriyada qorxudan kanalizasiyada gizlənmiş vahhabiləri ordan dartıb çıxaranda. Başa düşdülər ki, şiələr zarafatı sevmirmiş. Bunlar Çeçenistanda 18 yaşlı rus əsgərlərinin başını kəsməklə qürrələnirdilər, Budyonovskda doğum evini ələ keçirməklə fora verirdilər, Suriyada təkərə düşdülər. Şiələr zarafatı sevmirmiş. Oseçka verdi. Kardavi bunlara çox şeyi öyrətmişdi, amma şiə şəhərlərində yolu necə keçmək lazımdır, onu öyrətməmişdi. Başını çıxardanın qulağı gedirdi, əlini çıxardanın barmağı. Hizbullahın aslanları yaman metki atırmışlar. Əhmədinejad axı demişdi, əli tətikdə şiə torpaqlarına girən hər bir adamın qolu kəsiləcəkdir. Kəsildi. Dərs olsun.
Kimsənin hisslərinə toxunulmasının nə əleyhinəyəm, nə də ki bunu dəstəkləyirəm. Hər halda hərə öz torpağında otursa, öz ölkəsinin problemləri ilə məşğul olsa daha yaxşı olar. Sən məni necə inandıra bilərsən ki, başında çalma, əynində platye, saqqalı dizdən, çiynində avtomat olan birisi Suriyaya demokratiya gətirir? Amerikan nağıllarına uymayın, o nağıllara artıq dünyada sizdən başqa heç kəs inanmır. Mən nə əsəbi, nə də öz haqqından məhrum olmuş biriyəm, yəhudi media kanalları insanları ən axırıncı yalana inandırsa belə, susaram. Amma lazım deyil. Bəli, mən müstəqilliyin düşməniyəm, amma bu xalqa xoşbəxt gələcək arzulayıram, hətta məni daş-qalaq etsə də.
Комментариев нет:
Отправить комментарий