Rusiya ABŞ-a elə cavab verdi ki...

FaktXəbər-in "RİA Novosti" agentliyinə istinadən verdiyi məlumata görə, ABŞ Senatının Avropa məsələləri üzrə komitə rəhbəri Kris Merfi Rusiyanı sanksiyalarla hədələyib. Amerikalı senator bildirib ki, rəsmi Moskva Ukrayna ilə bağlı mövqeyini davam etdirsə, onda Kremlə məxsus qiymətli kağızların dondurulması gündəmə gətiriləcək.
Kris Merfinin bəyanatına cavabını gecikdirməyən Rusiya prezidentinin müşaviri Sergey Qlazev isə deyib ki, ölkəsi saknsiyalar müqabilində ABŞ doollarından imtina edəcək: "Biz məcbur olaraq yeni valyuta ilə işləməyə başlayacağıq.
Rusiyanın Şərq və Qərbdəki mütəffiqləri ilə əla ticarət əlaqələri mövcuddur ki, bu da ölkəmizin ABŞ valyutasından asılılığını aradan qaldıracaq və sanksiyalardan bizi qalib çıxaracaq. Rusiyaya qarşı sanksiya ABŞ maliyyə sisteminin dağılması ilə nəticələnəcək. Əgər Amerika tərəfi Rusiya hökumətinə məxsus qiymətli kağızlara sanksiya tətbiq etsə, rəsmi Moskvanın ABŞ banklarından aldığı kreditləri geri qaytarması da mümkün olmayacaq."