Qeyri-ənənəvi dini cərəyanların fəaliyyətinə son qoyulacaq

Hazırda parlamentin komitə sədrlərindən biri sözügedən qanun layihəsinin müzakirəyə çıxarılmasına əngəl törədir

Yaxın günlərdə Milli Məclisdə “Dini etiqad azadlığı haqqında” qanuna əlavə və dəyişikliklərin ediləcəyi gözlənilir.
Dəyişiklik əsasən qanunun sərtləşməsi ilə müşayiət olunacaq. Belə ki, qanunda xaricdən maliyyələşən radikal dini cərəyanların fəaliyyətinə nəzarət məsələsinə önəm veriləcək. Bununla da ölkədə ayrı-seçkiliyə şərait yaradan, dini cərəyanları radikal şəkildə təbliğ edən, dövlətçiliyə xələl gətirən dini cərəyanların fəaliyyətinə son qoyulacaq. Bu isə xəvariclik, təkfirçilik, vəhhabilik, sələfilik, nurçuluq kimi qeyri-ənənvi dini cərəyanların fəaliyyətinə qadağa qoyulması ilə nəticələnəcək. Əldə etdiyimiz digər məlumata görə, hazırda parlamentin komitə sədrlərindən biri sözügedən qanun layihəsinin müzakirəyə çıxarılmasına əngəl törədir. /Olaylar/