![](https://blogger.googleusercontent.com/img/b/R29vZ2xl/AVvXsEgLR7G-EanMZ7EFf7ynLHbYtkyzXYxLUSsw3q2kRLvmkj3EYAc8lgIHWZoVbnUxasCPbUOYzxtsLV8_uuhEjmHYqAn9cg3R3v1XdP_DGOjnMF65xWkt3e-lH-4uzgpCpzE2isT60BWGsNc/s280/10428709_665414390202237_5589470967880393939_n.jpg)
Ayağının pəncəsiylə
taleyinin qapısını açmaq,
çiyniylə örtmək budur.
Qapısı-pəncərəsi olmayan evlər
dəniz tanımaz,
səhra tanımaz,
dağ tanımaz!
Bu dünyanın şərqiylə qərbini bərabər tutar,
tanımaz Tanrını da.
Fərqə and olsun ,bizimlə Tanrı arasındakı fərqə;
bir zaman gözündən düşdüyü yolu tanıyar,
tozunu çırpar kiprikləriylə,
məni sevənlər kormuş deyə-
barmaqlarını bir-bir qatlar
və o zaman anlar-
özüylə bərabər bir zaman daşıyır.
O zaman anlar, bu yağış
dənizləri,
səhraları,
dağları daşıyır kipriklərinə.
O gündən kiprikləriylə od götürür, kül yox!
O gündən zamanın üzünə tüpürür hər gün,
ölüm də bir zamandır deyə!
Комментариев нет:
Отправить комментарий