Alov a.eyvazova@yahoo.com
İstəyirsən dağ boyda,
Günəş yoxsa
kölgən yoxdu
Uşaq kimi aldanmaq
böyüdür.
Böyük kimi aldanmaq
qocaldır.
Ax, bu qaranlıq gecədə
qatığın ağ olduğunu
isbat atmək
nə qədər faciəvidir.
Bu kirayə otağın
köhnə divar kağızları
solğun çiçəkləriylə
kimləri qarşılayıb
kimləri yola salıb…
Bu yupyumru dünyadan
Bir gün yıxılmaq qorxusu…
Yağlı kişi baxışlarıyla
çirkləndim…
İkrahımla yuyundum…
Bir qanqalla sevinməyi
dəvədən öyrənməli.
Həyata gülməyi
dişlərni ağardan skeletdən.
Və beləcə xoşbəxt olmalıymışam…
Uşaqlar sındıra bilmədiklərini
sevmirlər.
Elə böyüklər də…
Bizi nə vaxt tısağaya döndərdilər?
Qınımda oturub fikirləşirəm.
Şəhər
süni işıqlarıyla
elə parlayırdı ki,
ulduzlar küsüb
geri çəkildilər
Ehtiyat igidin yaraşığıdır
Ona görə igidlərimiz
bu qədər yaraşıqlıdır
Səhra məmləkətimdə
azadlıq ilğımı…
Kədərin üzünə gülümsədim
Qondu üzümə
O, yumurta kimidir
Qabığının altında
yup-yumşaq ürəyi var
Ey Od!
Pambıq olum,
ya su?
Mənə qarışqa gücü arzula
Qarışqa əməyi deyil
Bu adam ilan kimi
başdan-ayağa quyruqdu
Etdiyi yaxşılığa
o qədər minnət qoydu,
minnətdarlıq etməyə
yer qalmadı
Təkcə qanad arzulamıram ki,
(milçəyin də qanadları var)
bu kəndin qadınları
ərlərini rus puluna
dəyişirlər hələ də
Комментариев нет:
Отправить комментарий