Gərək görüşməyəydik,
Həsrətdən kam alaydıq.
Belə ki, ayrılmışdıq-
Ömürlük ayrılaydıq.
Yandı gözlərimizdə
Sönməyən günlərimiz.
Yuxumuza qayıdır
Dönməyən günlərimiz.
Sən bir az astagəlsən,
Mən də bir az havalı.
Bu payız ömrümüzə
Gəlmişik yaz havalı.
Saçımız dən gətirib-
Hansı budaqda dəydik?
Gərək ayrılmayaydıq…
Gərək görüşməyəydik…
ŞEİRİMİZİN MƏRSİYYƏSİ
Söz üstünə çökən bulud
Hər buluddan ağır gələr.
İşıqlı söz tapammazsan
Çəkilməzsə bu kölgələr.
Daşa oxunur nəğmələr,
Çiçəklərin günahı nə?
Qayaların göz yaşıdır
Bulaqlar qaynayıb axır.
«İçirib eşqin camını»,
Yenə aldadır hamını.
Dünya itirib tamını,
İnsan dadını axtarır.
Комментариев нет:
Отправить комментарий