Sən adda

Tural Balabəyli. Yeni şeirlər

          Nağıl

Sənsizlik

məni məndən aldı

gecələrin birində.

Tamamilə məhv oldu

daxili aləmim də

Məni məndən oğurlayıb,

həbs etdiyin qəlbinə

İllər sonra deyəcəksən:

“Biri vardı, biri yox…”

          Yad baxışlar

Bir zamanlar

bir birini axtaran gözlər

gün gəldi

qarşılaşdılar....

eləcə baxdılar

danışmadılar

onlar unutmuşdu

bir-birlərini...

          Sən və mən

Bu həyatı

ona görə sevmirəm ki,

sən yanımda deyilsən...
Qaranlıq dünyama olan bağlılığımın

tək səbəbi sənsən...

Çünkü qaranlıq dünyamda

iki nəfər var:

sən

və

mən ...

****

Mən tanıdığım

saf, təmiz qız

çoxdan ölübmüş

sən demə.

onun yerinə

artıq tanımadığım

biri gəlib

sən görkəmdə,

sən adda…