Türkiyədə 8 general barəsində həbs qərarı verildi

Türkiyədə general Bilgin Balanlının bir nömrəli şübhəli şəxs sayıldığı “2-ci Balyoz” adlı cinayət ittiham aktı çərçivəsində 8 yüksək rütbəli hərbçi barəsində həbs qərarı verilib. 

Lent.az-ın “ensonhaber”ə istinadən məlumatına görə, barəsində həbs qərarı çıxarılan generallar bunlardır: Turqut Atman, Sinan Ertoğrul, Beyazıt Karakaş, Mehmet Eldem, Bülent Kocababuç, Nedim Karabuş, Erhan Pamuk və Mehmet Örgen.

Qeyd edək ki, “Balyoz” cinayət işi ilə bağlı ikinci ittiham aktı dünən qəbul edilib. Bu iş üzrə 28 nəfər təqsirləndirilir. Onlardan 15 nəfəri hazırda həbsdədir. Azadlıqdakı 13 nəfərdən 8-in tutulmasına isə dünən qərar verilib. İş üzrə təqsirləndirilən Bilgin Balanlını 20 ilədək həbs cəzası gözləyir. O, dövlət çevrilişinə cəhddə ittiham olunur.