Bir ovuc zaman

Cavidan

Ən uzaq sabahın

ən uzun anından

başlayır zaman...

və sel kimi axıb da

aparır hər şeyi,

ən yaxın dünənin

ən qısa saatına ...

məni səndən alacaq

bu gün, səni məndən...

sonra yol olacaq uzun

sonra dəli savaşlar

sonra yenə, yenə yol...

yalnız qalib sərkərdənin

qadınına baş əyəcək

dolanbaclar...

Get…

sən mənə

o ən uzaq sabahın

o ən uzun anından

bir içim zaman fəth et,

gətir də ovuclarında...

dodaqlarım qurudu...