Azadlıq güllə deyil öldürsün

                                                           Sayman Aruz

Elə də önəmli bir şey deyildi.

Yalnız zindan idi

və betonlu soyuq məhbəslər.

Bağımsız kişilər idi

nəmişli divarların ortasında.

Azadlıq güllə deyidi öldürsün

lətifə deyildi güldürsün

qadın deyildi əyləndirsin.

Qadınlar idi

Kişilərinin axtarışında.

Duz-çörəyi yaşmaqlarında gizlətmişdilər

və ehtiraslarını siqaret qutularında

pay gətirmişdilər dustaqlarına.

Gözyaşı deyil silə bilsən,

evin deyil qayıda biləsən,

xəyanət deyil bağışlay biləsan,

azadlıq mənim payımdır səndən ki, yoxsan.

Kişiliyin kişnəməsidir məftillərin arxasında.

Mən sənə çatmayan bir səsi çağırıram,

Azadlıq sənin kimi bir şey idi

Məhbəsimin boşluğunda.

*

Elə də önəmli bir şey deyildi.

Mən idim.

Başımı armızdaki məftillərə söykəmişdim

və bir böyük millətin yalqızlığını

Sənə ağlayırdım!