Mənə bir küçə bağışla

Məlihə Əzizpur

Mənə bir küçə bağışla! 

Tam dənizə açılsın gözü

Martılar keçsin xəyalından 

Səhər - axşam . . . 

Və uzaqdan gələn gəmilərin səsi ilə 

Döyünsün ürəyi. 

Mənə bir küçə bağışla!

Yolçuların, ayaq səsi ilə oyansın

Mahnı səsi ilə oynasın

Və bir sevda xəyalı ilə uyusun . . . 

Mənə bir küçə bağışla! 

Gözlərindən, ürəyinə

Köçə biləcəyim bir küçə . . .

☼ 

Pəncərədən boylanırdı iki kölgə! 

Şəhər, mehlənirdi lampaların közərtisində. 

Hər kəs öz bucağına çəkilmişdi 

Və köpəklər 

Bir birlərinin südüklərini qoxlayırdı 

Aysız gecədə!

Pənəcərədən iki kölgə boylanırdı . . .