“Mən idiot deyiləm”

Səlim Babullaoğlu “TEZ-BAZAR”da

- Özünüzü 2 sözlə təqdim edin.
- Səlim Babullaoğlu.

- Sizi necə təqdim edəndə razı qalırsınız?
- Adımla və “siz” deyə.

- “Mən kiməm?” sualına necə cavab verirsiniz?
- Allah bəndəsi, adam…

- Dost…
- Varımdır.

- İlk sevginiz?
- Olub.

- Əsas ixtisasınız?
- Ədəbiyyat…


- İstifadə etdiyiniz nəqliyyat növü?
- Ayaqlarım.

- Sevdiyiniz maşın markası?
- Bəlkə “BMW”…

- Sevdiyiniz brend?
- Kitab.

- Sevdiyiniz saç düzümü?
- Bu haqda düşünmürəm.

- Sevdiyiniz rəng?
- Spektr.

- Ən çox bəyəndiyiniz ölkə və şəhər?
- Olmadığım şəhərlər.

- Sevdiyiniz yemək?
- Göbələk.

- Ən çox istifadə etdiyiniz söz?
- Maraqlıdır…

- Leksikologiyanıza yad olan söz?
- Super…

- Sizi nə həyacanlandıra bilər?
- Çox şey.

- Ən çox sevdiyiniz kitab?
- …

- Ən çox sevdiyiniz yazar?
- …

- Ən çox bəyəndiyiniz ifaçı?
- …

- Ən çox bəyəndiyiniz musiqi janrı?
- …

- Özünüzdə qeyri- adi istedad hiss edirsizmi?
- Yox.

- Mənfi xüsusiyyətiniz?
- Əsəbiyəm.

- İdeal insan necə olmalıdır?
- Bilirəm ki. Bunu heç kim bilmir.

- Özünüzü ideal insan hesab edirsizmi?
- Mən “idiot” deyiləm.

- Sizi özünüzdən nə çıxarda bilər?
- Yersiz olan hər şey.

- Həyat fəlsəfənizi ifadə edin?
- Niyyət, söz, əməl.

- Siz xoşbəxtsinizmi?
- Xeyr, mən insanam.

- Bədbəxtliyin xüsusi düsturu varmı?
- Bilmirəm.

- Hər şeyin sonu üçün əvvəlinə münasibətiniz necə olur?
- Hər şeyin əvvəlinə sonu üçün olan münasibətim kimi.

- Ölüm niyə ölmür?
- Nöqtələrini götürün, bacarmasanız gözləyin…

- Dinlərə münasibətiniz?
- Normal.

- Kimdən və nədən xilas olmaq istərdiniz?
- Öz zəifliklərimdən.

- Falçıya inanırsızmı?
-Yox.

- Daş olmaq yaxşıdır, yoxsa daşlaşmaq?
- Sualın birinci hissəsi mənə aid deyil, ikinci hissəsi isə əgər heykəlləşməyi nəzərdə tutursunuzsa çox pis.

- Sevinciniz nə qədərdir?
- Kədərim qədər.

- İnsanların hansı xüsusiyyətlərinə dəyər verirsiniz?
- Çoxdur belə keyfiyyətlər.

- Bağlayıcılardan çoxmu istifadə edirsiniz?
- Saymamışam.

- Çayı içmək ürəyinizcədir, yoxsa keçmək?
- Hər ikisi.

- Gülməyi xoşlayırsız, yoxsa güldürməyi…
- Güldürərək gülümsəməyi.

- Mənə sualınız.
- Necəsiniz Tural?

Tural Balabəyli