Həyat dalğaları

Taleh Eminoğlu

Sahilə çatar çatmaz bir uşaq
özünü dəniz dalğalarına atdı.
At, bala, at amma özünü yorma
həyat dalğalarına atılacaqsan.

Ölüm – ölümsüzlük

Ölüm – ölümsüzlüyə gedən yol
Mürdəşir – ölümsüzlüyün müjdəçisi
Yuyulma – ölümsüzlüyün qaydası
Formalin – ölümsüzlüyün ilk hədiyyəsi
Kəfən – ölümsüzlüyün paltarı
Məzar – ölümsüzlüyə açılan qapı
Fatihə - ölümsüzlüyün xeyir duası


Əsir qadınlarımızdan olan uşaqlar

Neytral zonadan sağda
səngərdə
gözü nişangahda, əli tətikdə
dayanmış əsgər.
Qarşsında ilan kimi qıvrılan
düşmən səngəri və
silahlı əsgər...
Bəlkədə o sənin erməni qardaşındı

Azərbaycan - əsir qadın

Neçə ildir təcavüz edirlər bizə
zorlanan əsir qadınlar kimi.
“ Kişilərsə ” yeyib yoğunlayır
əsir qadının qardaşları kimi.
O torpaqlarda çox şey itirdik
əsir qadının bakirəliyi tək.
Yaşayacağıq
zorlanan qadının qardaşı tək.