"Keyfiyyətsiz brendin reklamı bol olur"

Ramilə Qardaşxanqızı TEZ-BAZARda

- Özünüzü iki sözlə təqdim edin.

- Mən özüməm.

- Sizi necə təqdim edəndə razı qalırsınız?

- Ramilə Qardaşxanqızı.

- “Mən kiməm?” sualına necə cavab verirsiniz?

- Həyatı acı bibər qədər sevən insan.

- Dost…

- Allahdan başqa dost yoxdur, sirdaş var.

- İlk sevginiz?

- Tanımıram.

- Əsas ixtisasınız?

- Ədəbiyyatçı.

- İstifadə etdiyiniz nəqliyyat növü?

- İnsanlığa ən sadə səyahət, avtobus

- Sevdiyiniz maşın markası?

- Paltar yuyan ”LC”, bir də “Land Cruiser”.

- Sevdiyiniz brend?

- Keyfiyyətsiz brendin reklamı bol olur.

- Sevdiyiniz saç düzümü?

- Hicab.

- Sevdiyiniz rəng?

- Göy qurşağı.

- Ən çox bəyəndiyiniz ölkə və şəhər?

- Qoruya bilmədiyimiz vətən.

- Sevdiyiniz yemək?

- Halal ruzi.

- Ən çox istifadə etdiyiniz söz?

- Təəssüf ki...

- Leksikologiyanıza yad olan söz?

- Yad.

- Sizi nə həyacanlandıra bilər?

- Atəşkəsin pozulması.

- Ən çox sevdiyiniz kitab?

- Qurani-Kərim.

- Ən çox sevdiyiniz yazar?

- Frans Kafka.

- Ən çox bəyəndiyiniz ifaçı?

- Yoxdur.

- Ən çox bəyəndiyiniz musiqi janrı?

- Klassik musiqi.

- Özünüzdə qeyri-adi istedad hiss edirsizmi?

- Bu günün insanını tanıya bilirəm.

- Mənfi xüsusiyyətiniz?

- Saya bilərəm.

- İdeal insan necə olmalıdır?

- İmanlı.

- Özünüzü ideal insan hesab edirsizmi?

- Çalışıram.

- Sizi özünüzdən nə çıxarda bilər?

- Çətin məsələdir.

- Həyat fəlsəfənizi ifadə edin.

- Bacar yıxılma, amma uduzmağı öyrən.

- Siz xoşbəxtsinizmi?

- Səbəbim var.

- Bədbəxtliyin xüsusi düsturu varmı?

- Razılaşmaq.

- Hər şeyin sonu üçün əvvəlinə münasibətiniz necə olur?

- Fəlsəfi. 

- Ölüm niyə ölmür?

- Haqq olduğu üçün.

- Dinlərə münasibətiniz?

- İslamın qaydası hörmət etməkdir.

- Kimdən və nədən xilas olmaq istərdiniz?

- Neqativlərdən.

- Falçıya inanırsızmı?

- Ağlım yerindədir.

- Daş olmaq yaxşıdır, yoxsa daşlaşmaq?

- Torpağa qayıtmaq.

- Sevinciniz nə qədərdir?

- Paylaşa biləcəyim qədər.

- İnsanların hansı xüsusiyyətlərinə dəyər verirsiniz?

- İnsan olduqlarına görə.

- Bağlayıcılardan çoxmu istifadə edirsiniz?

- Lazım olanda.

- Çayı içmək ürəyinizcədir, yoxsa keçmək?

- Baxır çaya.

- Gülməyi xoşlayırsız, yoxsa güldürməyi…

- Üzünə gülümsəyə bildiyin biri varsa nə gözəl.

- Mənə sualınız.

- Tez bazar?