Sadiq Babazadə. Sevmə məni

Bi cəfayəm dedi yar vermə cəfa sevmə məni,

Dəhridə eşq ilə olmaz ki, səfa, sevmə məni..

Dedim: ey yar, sənin bir gülüşündür nəfəsim,

Dedi: hər vəxt edərəm ahu-nəva, sevmə məni.

Dedim: ey gül, mələyimsən, sənə qurban bu can,

Dedi: yox! yoxdu sənə zərrə vəfa sevmə məni

Dedim: ey nazlı nigar, qəlbimi qurban edərəm,

Dedi: qurban olaraq vermə cəza sevmə məni..

Dedim: ey Yar səni Allah mənə göndərdi şükr, 

Dedi:amma səni göndərdi bəla sevmə məni

Dedim: hər vəxti mənim Nazlı nigarım ol sən,

Dedi: Sevməklə məni etmə xəta,sevmə məni

Dedim: Allahı nişan eyləyirəm gəl başa düş,

Dedi: Sadiq deyiləm dərdə dəva sevmə məni