Qafar Şövqi - Kişilər sevəndə yaman sevərmiş

Qaçırtmaq istərəm səni aradan.
Haçan əsəbləşib həddi aşıram.
Rəsmini çəkməyə səni Yaradan,
Nazını çəkməyə mən yaraşıram.

Qəlbinin küncünə qısılmağımçun
O gün maniyələr imkan verəcək.
Mənim ölməyimçün, asılmağımçun,
"Aşiqlər soveti" fərman verəcək.

Bir cümlə eşitdim, gör nə gözəldi.
Səbirlə sevənlər kamına ərmiş.
Xoşuma gəlməyən, başıma gəldi.
Kişilər sevəndə yaman sevərmiş.