Qızılgül ətrinlə ruhuma əsdin,Qəfil havalandım, Məcnuna döndüm.
Saldın məni eşqin od kürəsinə,
Əyilməz poladkən çuquna döndüm.
Axıtdın yanğıma göz yaşlarımı
Bahar seli kimi; söndürdün məni.
Rəqibin tənəsi yaxdı canımı,
Hicranın əliylə sındırdın məni.
Məhəbbət anlarım, xatirələrim
Quşbaşı qar olub başıma yağdı.
Əyildi qamətim, sındı vüqarım,
Bir də gördüm saçım-saqqalım ağdı.
Ölüb qarışaram torpağa, gilə.
Nə`şim zərrələnib itər qəbrimdən.
Sənə bəslədiyim eşq gilə-gilə
Qızılgülə dönüb bitər qəbrimdən...
Комментариев нет:
Отправить комментарий