Dəyərli dostum, şair-filoloq Elnur Rəsuloğlu ƏliyevəBu dəyirman dərd üyüdür,
Ver əlini çıxıb gedək.
Ögəyləşən doğmaların
Əllərini sıxıb gedək.
Haram kalan, halal talan
Pərdələyir haqqı yalan.
Həqiqəti düzdə qalan
Doğruları yığıb gedək.
Tərəzinin gözü əyri,
Söz verənin sözü əyri...
Düz dünyanın düzü əyri,
Əyilmədən çıxıb gedək.
Doğruya yalan dünyanın,
Oğruya qalan dünyanın,
Ağrıyıb qalan dünyanın
Kir suyunu sıxıb gedək.
Əməl sözə qənim olsa,
Gözəl gözə qənim olsa,
Əcəl düzə qənim olsa –
Gözünə düz baxıb gedək!
Комментариев нет:
Отправить комментарий