Daxil olan məlumatda o da vurğulanır ki, Veysəl Orucov azərbaycanlı radikal cihadçı və İŞİD-çi ünsürlərlə Türkiyədə və bəzi vaxtlar isə Səudiyyədə görüşlər təşkil edir. Cənubi Qafqazda, Türkiyədə gənclərin Suriyada cihada dəvətlərin başında da məhz Veysəl Orucov durur.
Məlumatda vurğulanır ki, Veysəl Orucov ən çox azərbaycanlı dindarları Əl-Qaidənin qolu sayılan "Əhrar-əl Şam" qruplaşmasına qoşulmağa çağırır və bu istəyinə nail olmaq üçün Türkiyəyə və Səudiyyəyə dəvət edilən gəncləri ikna etmək üçün görüşlər belə təşkil edir.
Vətəninfo.az-ın elektron poçtuna daxil olan bu məlumatda maraqlı məqamlardan biri isə Qafqazda yenidən Əl-Qaidə-nin güclənməsi ilə bağlıdır. Hətta Azərbaycanın müxtəlif islam dini adı altında fəaliyyət göstərən, amma islamla hər hansı bağlantısı belə olmayan terrorçu qruplara qarşı sərt mövqeini qəbul etməyən Veysəl Orucov azğınlaşaraq Azərbaycanı kafir diyarı belə adlandırır.
Daxil olan məlumatda o da vurğulanır ki, Veysəl Orucovun əli İçəri Şəhərdə yerləşən "Ləzgi" məscidinə belə çatır. Məlumatda iddia edilir ki, bu gün qeyd edilən məscid İŞİD-in nəzarətindədir və məscidin rəhbəri də Veysəl Orucovla daima bağlantıda olur.
Qeyd edək ki, Azərbaycan dövləti uzun illərdir Ermənistan tərəfindən terrora məruz qalan bir ölkə olaraq, dünyada terrora qarşı formalaşan koalisiyaların tərkibində yer alır və ölkəmizin təhlükəsizlik qüvvələri terrorizm və dini separatizimlə məşğul olan qrupların ölkəmizdə fəaliyyətini qadağan edib. Amma buna baxmayaraq Veysəl Orucov kimi xarici ölkə vətəndaşları müxtəlif üsullardan istifadə edərək Azərbaycanda gənclərin beynini özlərinin pozuculuq əməlləri ilə pozaraq öz tərəflərinə şirnikdirici üsullarla bəzi hallarda çəkə bilirlər. /islamazeri.az/
Комментариев нет:
Отправить комментарий