Həsrət İsmayılov Cəlilabadda hərbi biletin qiymətini qaldırdı

Son çağırışa qədər 2500 manat istəyən Həsrət İsmayılov artıq bu rəqəmi 3000 manat olduğunu deyir

Ötən günlərdə Cəlilabadın Hərbi Komissarlığı barədə geniş yazı ilə çıxış etmişdik. Həmin məlumatlarda vurğulanır ki, hərbi komissar Həsrət İsmayılov çağırış zamanı özü üçün bazar açıb. Verilən məlumatda vurğulanır ki, komissar əgər əvvəllər əsgərlikdən saxlatdırmaq üçün uşaqların valideynlərindən 2500 manat istəyirdisə, hazırda bu rəqəm bir xeyli bahalaşdırılıb.
Məlumatlarda vurğulanır ki, Həsrət İsmayılovun artıq tələb etdiyi məbləğin konkret «açmaları» var. Belə ki, o, bununla yuxarıların yanında daha çox hörmətə layiq olunmağa çalışır. Üstəlik, ortada pul qazanmağa cəhd göstərir.
Məlumata görə, Cəlilabadda hərbi xidmətə getmək istəməyənlər bunun üçün Həsrət İsmayılova yaxınlaşaraq, 3000 manatı masanın üzərinə qoyurlar. Rayonda bir müddətlik möhlət hüquqi istəyirlərsə, bu zaman qiymətlər 200 manatdan 500 manata qədər artır.
Hərbi komissarın başqa işləri də var ki, onlar artıq araşdırma mövzusudur. Çünki Həsrət İsmayılov qısa müddətdə bahalı maşina, villaya və digər geniş imkanlara da sahib olub. /dogruxeber.com/