Eşğı-tənu otəşe,Dılım damande vəşe,
Im savdo bə kulə şe,
Zilisə peqət mıni!
Bimar nıbim navo tı,
Hiç kəsım ni, sıvo tı,
Bıkə bomı dıvo tı;
Bəlonku oqət mıni!
Az piyodəm, tı aspo,
Sıredə bəmı hampo!
Dılım qavər bıtasbo,
Dı səy mu dəqət mıni!
Bəjen mıni vavazon,
Baban mıni ovəyzon,
Pidə nıbu ım ğəzon;
Bəştə dıl eqət mıni!
Vindəş,purə dardim az,
Mande-marde pardim az!
Iştı roədə mardim az;
Dasonsə bıqət mıni!
Комментариев нет:
Отправить комментарий