Agasəlim Əmri - Qardaşdır

Şaham ki başımın aləmdə tacı qardaşdır

Nə qədr dərdim olarsa əlacı qardaşdır

Vücudu qarşımı qoymaz kəsə bir an zülmət

Yolumda nur saçan ömrüm siracı qardaşdır

Salıbdı başıma sayə, həyat bağımda

Həmişə bar verən ümmid ağacı qardaşdır

Yaman günündə səni tərk edib gedər hamı

Fəqət yanında qalan yaxşı bacı qardaşdır

Nə qədr gər ola dünyadə dostu yoldaşın

Yenə hər an ürəyin ehtiyacı qardaşdır

Ey Əmri varlığı varımdı varlığımdı mənim

Şaham ki başımın aləmdə tacı qardaşdır