Bəlkə ismin yazıla

Samir Sərrafi

Bu gecə Həzrət Əlinin mehmanı oldum,

Dünyanın çəngindən alıb apardı Cənnətə.

Çəkilib bir güşədə Ayəti-Quran oxudum,

Demə hər ayəsi bir hifzi-ətadür ümmətə.

ALLAH MÜHƏMMƏD dedim aldım ələ Qurani,

Oxudum sürələrin hüsnü-Əlini gördün.

Oxşadı hər ayəsi bir-bir Nənəm ZƏHRANI,

Qiyamət sürəsində Kərbübəlani gördüm.

Ya Rəbb, bu nədir möcüzə görmüş kimiyəm,

Aldım əlimə, qoydum üzümü Quranə.

Göz açıb, röyyadə bir röyya görürəm.

Üzüm Əli üzündə, mehman Şahi-Mərdanə.

Ola kim eşqi onun, ruhuna mehmandır Əli,

Sevgisi qəlbə şəfa, dərdlərə dərmandır Əli. 

Əlini aldı şəhadət, ölüdür zənn eləmə,

Elə biznən danışan Sürəti-Qurandır Əli.

ALLAH, Əli xəlq eylədi Ənbiyayə bir gün,

Girə şövqilə can verməyə canan yerinə. 

Samir, Əlini şə'nilə vəsf eylə ki hər gün

Bəlkə ismin yazılar Ali-Əba dəftərinə.