Dilbər, sənin ki sirri-müəmmadı gözlərin
Dünya içində, görməli dünyadı gözlərin
Rəssamın alidir ki, gözəl çəkdi rəsmini
Məna verən bu rəsminə, mənadı gözlərin
Rəbbin ziya verib səni, eşqin səmasına
Zülmət düşərsə, nuri-təcəlladı gözlərin
Ey məh edəndə vəsfini, sözlər gözəlləşir
Çünki qəzəldə mə'niyi-misradı gözlərin
Bir bax mənim bu halimə, lütf et hidayəti
Hər bir baxışda, mənbeyi-təqvadı gözlərin
Hər gözdə böylə qəlb evin ovsunlamaq nədir?
Əsrari-həqqi-Xaliqi-yektadı gözlərin
Dilbərdən özgə kimsəyə baxdınsa Suziya
Allah bağışlasın səni, rüsvadı gözlərin
Комментариев нет:
Отправить комментарий