Mən öz ürəyimin yıxılmışıyam

Çalğın Məhəmməd

Nə səndən incidim nə ayrılıqdan

Günah başı batmış ürəyimdədir

Sən arxayın yaşa xatirələrin

Məni yaşatmağa köməyimdədir

Nə səndən incidim nə taleyimdən

Bəzən də eşqi də aldatmaq olar

Mən kimi sadənin altmış milyonun

Altmış il yalandan yaşatmaq olar

Məni dağdağan tək asta yaxandan

Bəlkə yaman gözdən saxladım səni

Səndən nə əskilər arzuma çatsam

Öləndə qoynunda dəfn eylə məni

Cavan ömrüm küçənizdə çürüdü

Həsrət çəkə-çəkə yar deyə-deyə

Yadıma düşəndə xatirələrin

Tüstüm papağımdan ucalır göyə

Nə qədər yaşasa adın yadımda

Səni arzu kimi becərdəcəyəm

Xəyal küçəsinin həndəvərində

Səni göz yaşımla cücərdəcəyəm

Düzdü niskillidir keçəcəklərim

Düzdü zəmanənin sıxılmışıyam

Yazıq neynəyəsən səndə günah yox

Mən öz ürəyimin yıxılmışıyam