Həmid Herisçidən Azərbaycan xalqına: Xəstəsiniz, laqeydsiniz, ayaqlarınızın altını görmürsünüz

"Məncə, şimali azərbaycanlılar heç özləri də bilmirlər nə istəyirlər. Sizin ən güclü kartınız məndim- onun da qədrini bilmədiniz. Bir gün bu ölkəni tərk edib, qayıdacağam öz doğma Təbrizimə".

Teleqraf.com xəbər verir ki, bu fikirləri publisist Həmid Herisçi sosial şəbəkədə yazıb.

Teleməkanı sakitcə tərk etdiyini qeyd edən Həmid Herisçi bir daha efirə qayıdacağına inanmadığını söyləyib: "Qəribədi, teleməkanda ən uğurlu projelər yapdım, yeni simaları cəmiyyətə təqdim etdim, ən ağır mövzuları işlədim və sakitcə efiri tərk etdim. Ədəbiyyat, jurnalistikada da eyni möcüzələri yapdım bu külbaşlar üçün... Nəticəsi özümə qarşı çevrildi. Məncə, şimali azərbaycanlılar heç özləri də bilmirlər nə istəyirlər. Siz uçurum ağzındasız və bunu hələ görmürsüz. Başınız hələ çox bəla çəkəcək sizin. Hələ zaman sizi çox imtahanlara çəkəcək. O vaxt bəlkə bu xəbərdarlıqlarımı eşitdiniz. Sizlə münasibət qurmaq əbəsdi, adekvat deyilsiz. Xəstəsiniz, laqeydsiniz, ayaqlarınızın altını görmürsünüz. Haqqımı, pulumu sizə halal etmirəm. Haram xoşunuz olsun. Bir gün beləcənə bu ölkəni də tərk edəcəm. Qayıdacağam öz doğma Təbrizimə... İnşallah".