Niyə yanmadız?

Yusif Rəhimli

Mənə insanlıqdan ey dəm vuranlar,

Sizintək o qədər adam görmüşəm,

İlk başda mələksiz, sonunda şeytan,

İçiniz yalanmış- bunu bilmişəm.

Sözlərim heyifdir sizdən yazmağa,

Bilmirəm kimlərə inanım indi.

Uymuşam sizlərin hər dediyinə,

Çalışım gec olmadan oyanım indi.

Siz insanların duyğularından

Oğurluq edirsiz- cinayətdi bu!

Bəlkə də yazıqsız- nə deyim sizə?

Naşılıq, yazıqlıq- cəhalətdi bu!

Anlamaq sizinçun bu qədər çətin?

Niyə ürəklərlə oyun oynadız?!

Bir az istifadə edib gedirsiz,

Bizlər üzüləndə niyə yanmadız?