Nemət Pənahlı:
-İsgəndər Həmidovun xidmətləri nə olub? Güc strukturlarından biri idi də, Qarabağda hansı torpağı azad edib? Əksinə, Qarabağda döyüşən oğulları öldürüb. Vuruşan oğlanları tutub türməyə soxmaqla məşğul olub. Necə olur ki, döyüş aparan adam xain çıxardılır, amma rüşvətxor, quldur İsgəndər Həmidov qəhrəman olur?! Bu adamın işi dövlət səviyyəsində reketlikdən ibarət idi. Bütün Azərbaycan cəmiyyətinə bəllidir ki, İsgəndər Həmidov o dövrdə Azərbaycanın varlı adamlarını tutub türməyə soxmaqla pul alırdı. İsgəndər Həmidov Daxili İşlər Naziri olduğu dövrdə quldurluqla məşğul idi. Yutubda da var, Nəcəf Nəcəfov deyir ki, İsgəndər Həmidov jurnalisti döyüb, təhqir eləyib. İsgəndər də deyir ki, əcəb eləmişəm, yaxşı eləmişəm, siz sevinin ki mən nazirəm, nazir olmasaydım, güllələyərdim. Bu adam belə qoçuydusa, niyə nazirlikdən çıxandan sonra heç kəsi güllələmədi, heç kəsə kəllə atmadı? Nazir olanda at oynadırdı, amma nazirlikdən çıxandan sonra yekə-yekə danışan bu adamın niyə səsi-posu yatdı? İsgəndər Həmidov nazir olanda deyirdi ki, Heydər Əliyevi Naxçıvandan cibimə qoyub gətirəcəm, amma Heydər Əliyev gələn kimi dedi ki, sən mənim dayım ol! Bu əxlaqın adamının, bu şəxsiyyətin adamının danışmağa dili də var?!