Dəstəgül Zamanlı - Sözün bitdiyi yerdə

Deyirsən gəl ayrılaq!

Nə yatdıq ki, nə doyaq?

Dağa nərdivan qoyaq,

Düzün bitdiyi yerdə?

Deyəkmi könlümüz tox,

Bir istək, arzumuz yox.

Ömrümüz qalıbmı çox,

Yazın ötdüyü yerdə?

Geri dönməz o çağlar,

Qalar bu sevda, ağlar.

Könlümüz qubar bağlar

Nazın itdiyi yerdə!

Bu nə qəsd etdin belə

Zavallı Dəstəgülə.

Gətirdin məni dilə

Sözün bitdiyi yerdə!