"SƏLİB YÜRÜŞÜ" - MKİ İŞİD terrorçularını bu ad altında yenidən təşkilatlandırır

İki aydan çoxdur ki, İŞİD-in kiçik qrupları İraqın bəzi əyalətlərində, o cümlədən Ənbar, Diyala və Səlahəddin bölgələrində əməliyyatları bərpa ediblər. Tez-tez İraq qüvvələrinə hücuma keçirlər, hərbi bazalara hücumlar təşkil edirlər. Bu tədbirlər ilə eyni vaxtda bu qrupa aid səhifələr kiber məkanda yenidən aktivləşməyə başlayıb. Bu hərəkətləri böyüdərkən yaxın gələcəkdə daha geniş fəaliyyət elan edəcəklər.
Yeni İŞİD əməliyyatının başlanması əvvəlcə İraq təhlükəsizlik və hüquq-mühafizə orqanlarına qarşı baş verdi. Onların aktivləşməsi İraqın terror əleyhinə qüvvələrində daha çox hərəkətlilik yaratmağa başladı. "Həşd Şabi" və İraq ordusu tərəfindən "Ramazan" əməliyyatlarının hazırlanması və həyata keçirilməsi bunu göstərdi ki, İŞİD bölgədə yenidən təşkilatlanır.
Bundan əvvəl İraqdakı bəzi siyasi və təhlükəsizlik mütəxəssisləri keçmişdə aktiv media dəstəyi ilə müşayiət olunan İŞİD-in son hərəkətlərini ABŞ ilə müttəfiqlərinin İŞİD-i yenidən təşkil etməyə, İraqda etibarsızlıq, qeyri-sabitlik, terroru yenidən yaşatmağa çalışmaq kimi xarakterizə edib. Etibarlı mənbələrdən gizli məlumatlar indi bunu təsdiqləyir.
Alınan məlumata görə, ABŞ Mərkəzi Kəşfiyyat İdarəsi bölgədəki ərəb ölkələrindən birində yerləşən "Səlib yürüşü" adlı təşkilat quraraq, təxminən 7 ay əvvəldən bəri cihadçı sələfi hərəkatları ilə əlaqəli mütəxəssislər və şəxsləri işə götürüb, "Əl-Qaidə" və İŞİD cihadçı sələfi qruplarının yeni nüvələrini təşkil etməyi planlaşdırdı.
Kiber məkanda yaradılan yeni səhifələr "Səlib yürüşçüləri" tərəfindən idarə olunur və İŞİD-in əvvəlki strategiyasında "tək canavar" rolunu oynayan qrupların təşkili, cəlb edilməsiylə məşğuldur. "Səlib yürüşçüləri"nin kiber məkanda yaratdığı səhifələrin məzmununun araşdırılması, bu kəşfiyyatçıların ABŞ kəşfiyyat mənbələri ilə sıx əlaqəli, İraqda və bölgədə bəzi digər ölkələrdəki İŞİD-in aktiv nüvələrində vəziyyət barədə nisbətən dəqiq məlumatları olduğunu göstərir.
İraq parlamentinin xarici qoşunların çıxarılması ilə bağlı qanunu qəbul etməsindən sonra qətnamənin qarşısını almaq və İraq hökumətini qanunun tətbiqinə məcbur etmək üçün ABŞ tərəfindən geniş tədbirlər görülüb.
Amerikalılar İŞİD və "lƏ-Qaidə" ilə əlaqəli bəzi qrupların qurulmasını və ölkədə qeyri-sabitliyinin bərqərar olmasının ardınca İraqda əməliyyatlar həyata keçirmələrini dəstəkləyir. Bundan əlavə, siyasi, media və təhlükəsizlik tədbirləri həyata keçirərkən, İraqda ən yaxşı antiterror hərəkatı olan "Həşd Şabi" təşkilatının zəifləməsi amerikalılar tərəfindən təqib edilir.
Yeni layihəyə əsasən, ABŞ və İraq hökuməti arasında strateji danışıqların iyunda başlayacağı planlaşdırılır. Nəticələri ABŞ-ın İraqda və bölgədə olmasının gələcəyini təyin etmək üçün həlledici ola bilər. Ölkənin siyasi quruluşundakı qeyri-sabitlik səbəbiylə bir neçə aydır parlamentdə etimad qazanan yeni İraq hökuməti siyasi qruplar arasındakı fərqlər, neftin qiymətinin düşməsi, koronavirus xəstəliyinin yayılması və yığılmış sosial tələblər səbəbiylə gəlirlərin kəskin azalmasına görə bir sıra siyasi, iqtisadi və sosial problemlərlə üzləşir. Ölkə belə bir vəziyyətlə üz-üzədir və belə şəraitdə ABŞ-la iyun danışıqlarında İraqın maraqlarını müdafiə etməlidir.
İraq hökumətinə təzyiq göstərmək üçün ABŞ üç istiqamətli strategiyasını geniş yayılmış media dəstəyi ilə həyata keçirməyi planlaşdırır. Birincisi, İŞİD-i yenidən aktivləşdirmək, ikincisi, "Həşd Şabi" xalq hərəkatını zəiflətmək, üçüncüsü isə küçə etirazlarını davam etdirməkdir. /eastnews.org/