İsrail, Ermənistanın İrana arxa çevirməsi müqabilində ona Azərbaycanın hərbi sirrlərini ötürür

Bu ilin mart ayında belə bir xəbər yayıldı ki, Ermənistan İsraildə səfirlik açmaq istəyir. Hiyləgər Ermənistan rəsmiləri Tel-Əvivə səfirin göndərilməsini əsaslandırmaq üçün belə bir iddia irəli sürdülər ki, güya bundan əvvəl də Ermənistanın İsraildə səfiri var imiş və güya bu səfir sionist rejiminin İrəvandakı səfirliyinin nəzdində fəaliyyət göstərirmiş. İndi isə səfirin iş yeri İrəvanın əvəzinə Təl-Əviv şəhərində olacaq! Necə bir gülünc vəziyyət olduğunu təsəvvür edirsinizmi? Sən demə, Ermənistanın İsraildəki səfirinin iqamətgahı bu günə qədər İsraildə deyil, məhz İrəvanda imiş!
Təbii ki, bütün bunlar oyun idi və İslam düşməni olan sionist rejiminin İranın qonşuluğundakı daha bir ölkədə var-gəl etməsindən əsəbləşən Tehranı sakitləşdirməyə hesablanmışdı. Amma yalanın və “məlum əməlin” ömrü 40 gün olduğundan, Ermənistanın bu yalanının üstü çox tez açıldı. Sən demə, İsrail Ermənistanın İrana arxa çevirməsi müqabilində ona Azərbaycanın hərbi sirrlərini ötürüb!
Ermənistan Müdafiə Nazirliyinin ekspertlərindən biri sosial şəbəkədə sözü gedən “səfirlik hiyləsi” barəsində iranlı bloggerlə mübahisə edərkən, Ermənistanın İran əleyhinə atdığı bu addım müqabilində İsraildən BÖYÜK İMTİYAZ aldığını iddia edərək, bu imtiyazın - “Azərbaycanın hərbi sirrlərinin Mossad tərəfindən Ermənistana ötürülməsindən” ibarət olduğunu önə çəkərək, sionistlərin daşnaklara bu xidmətini ağız dolusu tərifləyib! Al, bu da sənə “starateji sionist müttəfiq”!
Nəzərə alsaq ki, Azərbaycan və İsrail arasında hərbi sahədə - İsraildən silah alınmasından tutmuş, Bakıda birgə hərbi müəssisələrin yaradılmasına və Azərbaycanın hərbi hissələrinin İsrail PUA-larının İrana və İraqdakı şiə hərbi qüvvələrinə qarşı fəaliyyət göstərməsindən ötrü təqdim etməsinə qədər - geniş əməkdaşlıqlar var, həmçinin və İsrail “hərbi əməkdaşlıq” pərdəsi altında Azərbaycanın hərbi sirrlərinə lazımınca yiyələnib, o halda erməni ekspertin sözlərində həqiqət olduğu qənaətinə gəlmək olar.
Azərbaycanın satqın KİV-lərində və sosial şəbəkələrdə “İsrailin güya Azərbaycanın dostu olmasına” dair aparılan təbliğatlar da, məhz sionist köləsi olan Azərbaycan ictimaiyyətini ölkə hakimiyyətinin bu cür xəyanətlərini malalamaqdan və Azərbaycan ictimaiyyətinin diqqətini İsrailin Azərbaycandakı hərbi fəaliyyətlərindən yayındırmaqdan ötrüdür.

Baba Punhan facebook profili