Paşinyanı ifşa etdi: Hər ay aeroportdan təhdidlə 300 dollar alırdı

Ermənistan Mülki Aviasiya Baş İdarəsinin keçmiş əməkdaşı Hasmik Manukyan Facebook səhifəsində baş naziri Paşinyanın keçmişini açıb töküb:

“Nikol Paşinyanın şərəfsiz keçmişindən bir hekayə paylaşmaq istərdim.

Nikol Paşinyan şantaj yolu ilə Mülki Aviasiya Baş İdarəsindən pul istədi və qəzetlərinin alınıb təyyarələrə yerləşdirildiyinə nail oldu.

Gəlin əvvəldən başlayım. 1999-2001-ci illərdə Mülki Aviasiya Baş İdarəsində çalışırdım. O illər çətin idi, hökumət sektoru tənzimləməyə çalışırdı, ancaq Departamenti hədəf alan və çirkli yalanlar dərc edərək, hətta əldə edilən yüksək keyfiyyətli təyyarələr haqqında pis və köhnəlmişdir deyərək pis şeylər yazan bir qəzet var idi.

Bəzi oxşar məqalələri oxuduqdan sonra şöbə aydınlıq və təkzib üçün qəzetin redaksiyasına müraciət etdi, ancaq qəzetin sahibinin məşğul olduğu, əsl sahibinin Nikol olduğu bildirildi.

Qısaca desək, bütün bunlardan sonra Departament Nikola hər ay 300 dollar rüşvət verərdi (o zaman bu çox böyük bir pul idi) və Nikol şantaj yolu ilə qəzetinin təyyarələrdə sərnişinlərə paylanmasına da nail oldu.

Budur gerçəklik! İndi bu ədəbsiz və yalançı əclafın özünü necə müqəddəs kimi göstərdiyini görəndə ürəyim partlayır”.

Ermənistan Müdafiə Nazirliyinin sözçüsü Artsrun Ovanesyan isə qadının bu paylaşımından sonra Facebook səhifəsində onun şəklini paylaşıb “Bu türkdür” deyə Hasmik Manukyanı hədəfə gətirməyə çalışır.