Adil Əkbər - Gərək

Bismillah. 

Əzizi-mən, qəmiylə həmqəm olmağa vəfa gərək,

Vəfalı aşinaların başında min bəla gərək.

Şəhadət istəyən könül, baxarmı fani aləmə?

Gözün cəhanda qalmasın edəndə can fəda gərək.

Pozar nizami-aləmi dilimdə qəm duaları,

Sütuni-ərşi titrədə, səmimi hər dua gərək.

Görəndə zahidin həya libasını, dedim əcəb

Libası tək, üzündə də oleydi bir həya gərək.

Məcazi aləm içrə tapmaq istəsən həqiqəti

Ürəkdə ney-nəva səsi, könüldə Kərbəla gərək.

 

Cəza günündə, Adila, xətalarında əfv üçün

Şəfaət eyləsin sənə Əliyyu Mürtəza gərək.