(Qardaşım Ilqar Orucov üçün)
Dostunuzu sındırmayın -
öləndə, tabutunuzun altına
içində hönkürərək çiyin versin...
Sevgilinizi incitməyin -
şər qarışanda, siz olmayanda,
ruhunuza acı bir dua edən qalsın...
Doğmanızı yandırmayın -
getmiş olsanız, əgər qəfildən,
Qoy xatirənizə elə hey yansın...
Düşməninizi öldürməyin -
yoxluğunuza qoy heç olmasa,
bircə nəfər olsa da, barı sevinsin...
Mərhəmətinizi söndürməyin -
yaralarına məlhəm olanlar indi,
əbədi getməyinə kədərlənsin...
Əməllərinizə diqqət verin -
O dünyadaykən siz, onlar
xoş xatirənizi rövnəqləndirsin...
Məhəbbətinizi paylaşın -
sizdən sonrakı ruhi boşluğunuzu,
doldursun heç olmasa, ruhən dirilin...
Sözlərinizi sonacan yazın -
varlığınız xoş kəlamlara dönsün,
hər oxuyançün bir ölüb, min doğulun...
Комментариев нет:
Отправить комментарий