Günel Treu - Mən oyağam

Ağ-qara həyatdı
             rəngsizdi hər şey...
Həvəssizdi
             nəfəssizdi ruhum...
Gəl, işığ gətir mənim üçün
              həvəs gətir yaşamağa
Gücüm yoxdu könlümdəki
                    yoxluğunu daşımağa.
Gəl, qucağla məni bir az
             söykə üzümü sinənə
Bir az təsəlli ver mənə...
Şeir söylə əvvəlki tək
          Asta-asta, həzin-həzin...
Mən ağlayım için-için,
                      sən gül mənə
             ürəyimin ağrısını bilməyərək.
Mən yox olum, sözə dönüm , şeir olum
                             vərəq-vərəq

Sən mənimçün
            işıq idin, nur kimiyidin...
Çəkib aldın həyatımın rənglərini
                  qaranlığam,
                               sopsoyuğam
Yoxluğunla  barışmayıb,
          gecə küsüb məndən sanki,
                     yuxu gəlmir gözlərimə
              mən oyağam,
                          mən oyağam..