…neçə yol bilirəm Tanrıya gedir,
Neçə yol bilirəm ölümə gedir,
Neçə yol bilirəm ölümdən anrıya gedir
Sənin ürəyinə gedən yolların
Amma bircəsini tapa bilmirəm.
Tanrıya gedən yollardan qorxmuram
-Tanrıdan başqa Tanrı yoxdu ki…
Ölümə gedən yollardan qorxmuram
əzrayıldan başqası yoxdu ki…
ölümdən anrıya gedən yollardan qorxmuram
ya cənnətdi, ya cəhənnəm, başqası yoxdu ki.
sənin ürəyinə gedən yolları
taparsam getməyə verimmi qərar?
Axı mən Tanrı deyiləm
Axı mən Əzrayıl deyiləm
Axı mən adamam, məndən başqası var.
Комментариев нет:
Отправить комментарий