AÇ TELEFONU

Mərdan Dadaşlı                "Çərçivəsiz" ədəbi qrupu            

Danışmaq istəməsən

Heç çıxartma səsini

Aç telefonu, yalnız

Dinləyim nəfəsini

Təsəllim olsa gələr

Barmaq boyda kağızın

Xəbərdarsan halımdan

Niyə gəlmir yazığın

Ürəyim rahatlanar

Siz tərəfdən meh əssə

Bir səni duya bilsəm

Bir ətrin mənə gəlsə

Qayıtsan ayaqyalın

Qaçaram yollarına

Qəlbimi açar kimi

Açaram yollarına

Hər dərdini çəkərəm

Təki könlüm şad olsun

Dağ vuram yollarına

Can evin abad olsun

Danışmaq istəməsən

Heç çıxarma səsini

Aç telefonu yalnız

Dinləyim nəfəsini