“Bütün rənglər gözəldir”

Xosrov Barışan “TEZ-BAZAR”da

Özünüzü 2 sözlə təqdim edin.

- Xosrov Barışan.

- Sizi necə təqdim edəndə razı qalırsınız?

- Adımla yox, eylədiklərimlə tanıtdırın.

- “Mən kiməm?” sualına necə cavab verirsiniz?

- Hələ özüm də özümü yaxşı tanıya bilməmişəm.

- Dost…

-Qardaşdan yaxın olmalı.

- İlk sevginiz?

- Şeirlərimdə gizli.

- Əsas ixtisasınız?

- Sevmək.

- İstifadə etdiyiniz nəqliyyat növü?

- Ayaqlarımı sevərdim, onlar da mənə düz demir.

- Sevdiyiniz maşın markası?

- Tükəticiliyi sevmərəm.

- Sevdiyiniz brend?

- Fərq etməz.

- Sevdiyiniz saç düzümü?

- Tez-tez dəyişən.

- Sevdiyiniz rəng?

- Bütün rənglər gözəldir.

- Ən çox bəyəndiyiniz ölkə və şəhər?

- Vətənim, vətənimin bütün şəhərləri.

- Sevdiyiniz yemək?

- Təkrar olmayan yemək.

- Ən çox istifadə etdiyiniz söz?

- Hər bir anda düşüncəm və duyğuma görə fərqlənər.

- Leksikologiyanıza yad olan söz?

- Leksikologiya? Türkcə anlamı nə?

- Sizi nə həyacanlandıra bilər?

- Zalimdən haqq almaq.

- Ən çox sevdiyiniz kitab?

- Kitabların hər birindən bir şey öyrənmişəm.

- Ən çox sevdiyiniz yazar?

- Yazar sevmərəm, yaxşı yazı sevərəm.

- Ən çox bəyəndiyiniz ifaçı?

- İfaçı sevmərəm, ürəyə yatan ifa sevərəm.

- Ən çox bəyəndiyiniz musiqi janrı?

- Məni düşündürən və duyğulandıran hər musiqi.

- Özünüzdə qeyri-adi istedad hiss edirsizmi?

- Olduğum kimi olmaq.

- Mənfi xüsusiyyətiniz?

- Mən də adamam.

- İdeal insan necə olmalıdır?

- Hər görüşə görə fərqlənər.

- Özünüzü ideal insan hesab edirsizmi?

- Öz fikrimcə olmağa çalışıram.

- Sizi özünüzdən nə çıxarda bilər?

- Gözəllik.

- Həyat fəlsəfənizi ifadə edin.

- Düşünmək, sevmək, paylaşmaq!

- Siz xoşbəxtsinizmi?

- Bəzi anlarda.

- Bədbəxtliyin xüsusi düsturu varmı?

- Acıları anlamaq.

- Hər şeyin sonu üçün əvvəlinə münasibətiniz necə olur?

- Təməli düz qoymaq gərək.

- Ölüm niyə ölmür?

- Çünki həqiqətdir.

- Dinlərə münasibətiniz?

- Yaranış boşuna yaranmayıb.

- Kimdən və nədən xilas olmaq istərdiniz?

- Minəndən və miniləndən.

- Falçıya inanırsızmı?

- Minmək üçün bir yol.

- Daş olmaq yaxşıdır, yoxsa daşlaşmaq?

- Daşlanmaq.

- Sevinciniz nə qədərdir?

- Sevindiyim qədər.

- İnsanların hansı xüsusiyyətlərinə dəyər verirsiniz?

- İnsanlıqlarına.

- Bağlayıcılardan çoxmu istifadə edirsiniz?

- Başa düşmədim.

- Çayı içmək ürəyinizcədir, yoxsa keçmək?

- Çay içərkən çaylara körpü qurmaq.

- Gülməyi xoşlayırsız, yoxsa güldürməyi…

- Güldürüb gülməyi.

- Mənə sualınız.

- Nədən Türkcəmizi bu rus sözcüklərindən təmizləməyirsiniz?!!!

Tural Balabəyli